المشاركة الأصلية كتبت بواسطة سعيّدالعمودي

محمد السريع

شاعر مبدع بلاشك


وقصيده قمه وحضور راقي


صح لسانك وجزيت خيرا

المشاركة الأصلية كتبت بواسطة محمد العطاوي

أخوي الغالي محمد السريع

جزاك الله خير وبيض الله وجهك
صح لسانك ولاهنت
دائماً مبدع

تحياتي وتقديري لك

المشاركة الأصلية كتبت بواسطة محمد بن عبدالله

ليلي قضيتـه بيـن تفريـق الروابـع و الهجـوس
كـن الروابـع مطرقـة حـداد و ضلوعـي نحـاس
تطحن بجوفي كنها وقعـات مـن حـرب البسـوس
وان ضاق صدري قلت ياقافي تهيض و يالمعنى تواس
شاعر يهيضني هبـوب الريـح لامـن هـب كـوس
و اطرق طواريق الفـرزدق بالشعـر و ابـو فـراس
و الشعر إذا ماهوب يلجم مـن يحـدون الضـروس
و يكتب دفاع عـن النبـي مافيـه داعـي للحمـاس
يا أمة الاسلام مـا الدعـوى نقـاش و حـب روس
يوم اصبح الأعـداء تريـد بسيّـد الخلـق المسـاس
وصلت بعبّـاد البقـر و النـار و احفـاد المجـوس
يتصورون و يحلمون بـدوس عـرضٍ مـا يـداس
و عرض النبي في جاه رب الكون محمي ومحـروس
لـو حالـوا عـدوان سيدنـا يـسـوون التـبـاس
و حنا علينـا نعطـي العالـم عـن المنهـج دروس
الرد من جنـس العمـل و الكـل فـي نـده يقـاس
طالت و حنـا نحتمـل غلطـة ضعيفيـن النفـوس
نبـي نصـد هجومهـم و احنـا ورا خـط التمـاس
اقلامنـا ماتكتـب الا كـل حـرف و فيـه قــوس
و افكارنـا نامـت مـن الراحـه بفضـل الاقتبـاس
يُهجـم علينـا بالقنابـل و انـتـدرّع بالـتـروس
معنا البنادق لكـن الزهبـه ماهـي نفـس المقـاس
لابارك الله بالسلاح اللـي ضحـى اليـوم العبـوس
يبطل زناده في يـدي و الحـرب تطحـن راس راس
و المشكله بعض العرب يبكون فـي دمعـة عـروس
لان العقيـده عندهـم ينتابـهـا حــال انتـكـاس
لكـن حبـال المصيـده لابـد بالخـائـن تـلـوس
وذاك النهار يبيـن الفضـه مـن الصفـر النحـاس

الاخ والشاعر واستاذي محمد السريع

الف صح لسانك القصيده وافيه حق افضل البشر

وجعلها الله في موازين حسناتك يوم القيامه

وتقبل احترامي

ودمت بالف خير

المشاركة الأصلية كتبت بواسطة نايف الناهي