:
هلاااا وغلااا .. ببنت الرجال
وأختنا الفاضله / سلمى
وعسى مشبك دوم عامر ومايطفي ضؤه
وبالمناسبه هذه القصيده سبق نشرها بقسم الشعر
ونعيد نشرها هنا في مشبك ونهديها لشخصك الكريم
شكرا وعرفانا على هذه البادرة الطيبة
ولعلها تلقى القبول ..
:
عندما يشعر احدنا بالضيقة يبحث عن متنفس
اي مكان ما يروَّح فيه عن نفسه
ولعل منتدنا الشامخ هو أحد هذه المتنفسات الذي نعتاده بين الحين والآخر
وفيه كتبت هذه المتواضعه - أتمنى أن تصل الى مستوى ذوقكم الراقي
:
الصدر ضاق وهاجس الليل صابه = وسرى يدّور بالمجالس وناسات
وهب الهبوب وفايح الهيل جابه= من منتدى عامر..ليالي وساعات
والقاف بأمرالقلب غصب مشى به = يجي لها مع هزعة الليل سجات
للمنتدى اللي مابعد صك بابه = دايم ركونه للمسايير شرعات
ساعة لفى صاح(المعزب)هلابه = واقبل يردد له سلام وتحيات
عج البخور اللي يماري ضبابه= وصفر الدلال اللي على النار مركات
وصفوة ربوع شيبها مع شبابه = كل يقول الطيب يامسندي هات
وكل العلوم الطيبه فيه طابه = غير الكرم غير السلوم الأصيلات
تلقى الأخوه روح ود ودعابه = تلقى النفوس اللي بطبعه كريمات
في (نت حائل) دوم عز ومهابه = فيه الكرم والجود طبع وعادات
طيب الأصل مع زين نفس وحبابه = وشموخ مجد يكسر الذل بسكات
وخوات وان حطت طوارف ركابه = صاح السعد يامدور العز هيهات
اليا لفن كن المسيّر سحابه = تزهى القوافي في بعضهن مريفات
يسلم لنا من أسسه وأعتنى به = وحافظ على سلوم الجدود القديمات
والشعر هام وكل قاف غدابه= خذاه في حسن النوايا مسافات
وأرجو السموحه كان قصّر نصابه = من دونكم حبال شعري قصيرات
:
ولكم مني عطر القوافي
العرض العادي
