بسم الله الرحمن الرحيم



حيّاكم الله جميع ،، موضوعنا اليوم عن لوازم الكشته


خصوصاُ بعد ما خفت جمرة الصيف ،، وأقبل علينا البراد


وهذي يبيله كشته واتخيّم بالأيام من حلو الجو ،، وهذي يبيله بعد


معدات لأجل راحتنا وحنا كشـّـاتين ،، ودونكم طوّل الله أعماركم هاللوازم "



[img][/img]




الخيمة ومستلزماته




( أعمده – أطناب- اوتاد – أروقه– ذرا شراع - أشرعه زرقاء بلاستيك –

فرشة مع مراكي - حبال – ماطور كهرباء مع الأسلاك واللمبات – فأس – منشار

– كريك – مسحاة - مطرقة – ملقاط – ذراية حديد – لي ماء + حنفيه-

ترمس ثلج (حافظة) – جراكل ماء+أباريق وضوء + حطب + فحم ـ ماء زياده

عن الحاجه ــ صابون ــ ليفه تنظيف




السيارة ومستلزماته "


( مفتاح احتياط للسيارة - ماطور هواء + عيارهواء – اشتراك – كشاف –

واير سحب او حبل قوي- عدة كاملة - محول كهرباء من بطارية السيارة –

لمبة على بطاريةالسيارة – صيدلية - خرائط خاصة بالرحلات البرية –


قارمن+كنود-– دربيل – سلاح شخصي – كمرة فيديو+محول كهرباءــ جركل بانزين احتياطي





– التأكد من وضع السيارة " ( عساه اتكون لاندكروزر بس ) ...


الزيت + الماء + هواء الكفرات + ليات الماء(الخراطيش)+ البطارية+البنزين ) .







عدة القهوة والشاي :-


بهذي انتم محد يعلمكم به ،، مهنتكم وشغلتكم من الألف للياء ...

وهي "

( دله قهوة + ملقمة قهوة + ليفة دله _أباريق شاي أحجام – إبريق تفويح -

إبريق حليب – – كبريت + مكعبات –

مركب – محماس + نجر_ طاسة أوسطل- قز وبرميل غاز ولي ومحول-

ترامس شاي وقهوة ـ بيالات وفناجيل ـ كيسان ورق ) .




طلبات القهوة والشاي ( رغبة شاربهن باختيار النكهة )

( قهوة – هيل – زعفران – مسمار – تمر – شاي – سكر – نعناع وحبق –

زنجبيل – حليب + شابوره ) .





عدة الطبخ يالنشامىىىى "



وهو صحيح ان كثير من الرجال مايعرفون يطبخون

بس تريهم من كثر هالكشتات تعلموا ،، وصاروا يزاحموننا المطبخ


الله الله




والعدة هي "

( قدر كبير + ثلاث قدور صغيرة – ثلاثة صحون – مقلاة - ملاسة -

سكاكين – مسن - ملاعق – مفتاح علب – صابون لغسيل الصحون –

ليفه مواعين + أسفنجه – صحون بلاستيك + أكواب + سفره – قصدير-اكياس نفايات )





طلبات الطبخ :-


( رز – مكرونة – بهارات – زيت – لحم أو دجاج أو سمك – بصل –

طماطم علب – طماطم طازج – ملح – ليمون أسود – فلفل أسود-

بهارات مشكله – طحين – عسل - سمن– زبده – ثلج+ ماء بارد –

فاكهه – معلبات + خبز )






وبعد هالعدة هذي كله

عساه تكون كشتة ٍ زينة ان شاء الله ،، تدعون لنا به ....



سـلـمـى

الله الله
هاي مدينه كامله

تسلمي علي الشرح

مشكورة على موضوعك اختي سلمى
وكل مانوينا نطلع البر لازم نرجع لموضوعك

لك تقديري واحترامي

مشكورة على موضوعك اختي سلمى

مشكوورة سلمى
والله يجيب الأمطار والربيع حتى تضبط الطلعة .
تحياتي ... برق الوسم .