رح فمان الله والذمه من الذمه بريه =لاتخاف من المفارق رح عليك الله وامانه
رح بعيد ابعد عن الدمعه على عين الخليه=رح بعيد ابعد عن الشرهه على ضحك الميانه
وابعد عن الحلم للي خاب ظنه في خويه =وابعد عن الياس للي طاب حظه في زمانه
لو تروح ابعد عن حدود السماء والجاذبيه=والله انك تبقى قريب اقرب من القلب لحنانه
تنتشر فيني شتات جروح مثل الروح حيه=تختفي في كل عرق ولافقدتك قال عانه
يابعد عذر الفراق اللي قبل فرقا الخطيه =يابعد عذر الزمان اللي قبل عذر الخيانه
ليلة وداعك على كثر الحروف الأبجديه=مالقيت لمودعك حرفين ينطقها لسانه
قلتلي ابنساك قلت الله يهنيك وهنيه =واحد خلاك من رباك تنساني عشانه
قلتلي قلبك لاينسى قلت ليت القلب فيا=دوره واليا لقيته وصه ورده مكانه
وص نفسك ولا انا ماني بحاجة وصيه=واعتبر فرقاك امانه والله الله بالأمانه
للشاعر // رشيـــد الـدهـــام
الوصيــــة ... للشاعر رشيد الدهام 
العرض العادي
