بسم الله الرحمن الرحيم ....
السلام عليكم ورحمة الله وبركاته ..
..
قصه و قصيـده .. ....
اعجبتني فأتمنا ان تنال على إعجابكم
..
قصتها ان سلطان ابن رباح كان له خوي يقال محمد بن عقيل جمعتهم صحبة الدنيا على المعزة من يوم هم صغار، كبروا وتزوج سلطان وجاه ولد وسماه على اسمه خويه من زود مايغليه وكانوا دايم يطلعون المقناص , فاطلعوا مره اثنين مامعهم ثالث وكان محمد يسوي الغدى وسلطان ينظف السلاح وكان فيه طلقه مادرى عنها سلطان في المخزن وضغط الزناد
وجت في خويه محمد وذبحته , شال خويه وسلم نفسه وبدوا المشايخ يتوافدون على اهل محمد عشان يتنازلون ووصلت الدية لعشرة مليون لكن للأسف رفضوا وصدر الحكم على سلطان وقصوه , لكن الصدفه ان قبر سلطان جنب قبر خويه محمد .
وكتب الشاعر هذي القصيدة المؤثره جداً والمحزنه .
يافلاح الهـم خيـم فـوق قلبـي يافـلاح
كيف تبغاني اسولف وانت خابرني عليـل
وش قولك في عليل في حياته مااستـراح
تنتثر دمعة عيونه لأضلـم الليـل الطويـل
حالته لا ماتباعد حالـة سلطـان الربـاح
بالخطا راحت حياته والخطـا مالـه مثيـل
كان ويا صاحبه اثنيـن فـي ارض بـراح
يطردون الصيد دايم من صبح لين المقيـل
اجمعتهم صحبة الدنيا علـى جـد ومـزاح
مايهابون الليـل والحمـول اللـي تميـل
ماقتل عامد ولكن ثـور ابليـس السـلاح
الخطأ ثار السلاح وويـن يلقالـه دليـل
وانعقد سجنه وربعه تنتظر فـك السـراح
والاكيد انه سجين ومارضوا ربـع القتيـل
هل دمعه يوم صلى ركعتين فـي الصبـاح
في نهار الجمعة اللي من ثقيل فـي ثقيـل
هلل وكبر ونفسـه تذكـر اللـي راح راح
كان في ربعه عزيز وذله الوقـت الذليـل
لا محمد لا تهاني لاسعود ولاحتى صـلاح
كلهم كانوا على بالـه وهمـه فـي هديـل
طفلتن ماكملت عاميـن صايبهـا كسـاح
وانتثر دمعه وحالـه مـن سبايبـه نحيـل
حان تنفيذ القصاص وغطوا الرأس بوشاح
وجاك سيافه يشيل السيف ابو حداَ صقيـل
ارتخى راسه وزاد الموقف الحامي صيـاح
بين نوح وبين دمع وبين صيحات وعويل
وارتفع صوت الحشود وزاده محمد وصاح
يايبه تكف دخيلك تستمـع قـول الدخيـل
يايبه وشلون نصبر كيف نهجـع بارتيـاح
وانت من دنيا عيالك ماخذك مـر الرحيـل
يامحمد ! هاك علمي واحفضه قبل المـراح
انتبه لأخوانـك وبالـك عليهـم لا تعيـل
والله الله فالصـلاة وبالصيـام وبالصـلاح
والله الله بأمكـم والله لكـم بعـدي كفيـل
غمض عيونه ونفسه تطلـب الله السمـاح
رافعـاَ سبابتـه مظـلـوم والله الوكـيـل
وسل سياف الصفى سيف ودقه ثـم طـاح
راس سلطان المراجل وانتثر دمـه يسيـل
غسلوه وكفنوه وفاح طيـب السـدر فـاح
وبالمصادف صار قبره جنب قبر ابن العقيل
يافلاح الكارثـه ماهـي سوالـف يافـلاح
خلني ساكت ودور غيـر هالقصـة بديـل
...سلطـــانـ ومحمـــد.... 
العرض العادي
