يا حلو كلمة سم لا قلتلي سم
أحسها متمسكنه بالحنايا
وأرجع وأكرر غلطة الشوق وأزهم
وتردها وتفز كل الخفايا
ياكم سمعنا سم ياكم ياكم
لكن نشفى بك تسوي سوايا
أرق من صوت العصافير وأرحم
من عاطفة طفل" يضم الهدايا
وأعذب من الماء بأول الصيف وأطعم
من شفة الي صادق" بالنوايا
عطني علومك بعدها لا تلعثم
في ذمتي مشتاق أشوف السلايا
الليل توه وإنت ياسيدي عم
كل المكان ملبسينه مرايا
آمر وقول اللي تبي يابعدهم
شف صورتك غطت جميع الزوايا
ترى الحياه بدون حب وغلا غم
الحب نعمه يارقيق السجايا
هذي يديني مدت كفوفها قم
صافح يمين" جت تشيل التحايا
وإن طعتني قرب على صدري وضم
قلبي ليا أعطى مايمن العطايا
لا لا تفرق يالغضي لي من التم
قبل النفس يروي ضماك وضمايا
وإن طعتني ياصاحبي في الحشا نم
غمض عيونك لا تعد الخطايا
وإن قلتلك ياسيدي يابعدهم
ماني بكاذب وإنت داخل حشايا
العرض العادي
