اعلم والله العظيم انها لا ترقى لمستوى من كتبت بحقه ابداً تماماً كما اعلم
انها يشوبها بعض النقص في الوزن واشياء اخرى ولكن نعتذر منه ومنكم
جانــا خبــر وقلنا لهــم يا خــبر كـــان *** واثره صحيح وصار ثم صفقوله
طاح ركن من الرياضة واهتزة اركان *** وفي طيحته كنهم خذوها بطولــه
نب نفقدك يا ذيب يا نمر يا حصــــان *** كم كان لك بالمجد صوله وجولــه
كلن يقول مفارقك خسارة ونقــــصان *** إلا انا اقول خيره عساها محلوله
بيض الله وجــــه منصور ابن حمدان *** شيخنا اللي بالمواقف بيناتٍ فعوله
إن كان فيه للطيب والكرم نيشــــــان *** انا اشهد انه هو ولا احدٍ يطولــــــه
حاولت آصف قامته واعنونها بعنوان *** لكن قريته بعيون ناسٍ بــــــكولــــه
غيرك يجي ويروح ولا يصير له شان *** إلا انت شانك شان منذو الطفولـــــه
غلطان يالبرقان لا حجة ولا برهـــان *** تبي ترمي اخطاءك وتكسب الجولــه
قالها ممدوح قبلي اسمعوني يالاخوان*** صدقوني لو نفاوض بوّاب رصدوله
ما لومهم لا ختل بالعــــدل ميـــــزان *** ما دامهم بالكفة الاخرى جلسولـــــه
بعض اللجان بداخله ازرق الجــــان *** مهما تخفّى وابتعد واضـــح ميولــــه
يا ميرنا سلطان الرياضة يا كحيلان *** اللي ليا صكت فجوج بقعا عنـــولــه
نطالب بحق ابو ثامر ابلغ بيـــــــــان *** يرجع لنا تكفى مثل ما راح بسهولــه
خــــــــالد السمحــــان
قصيــــدة : ابــــــــــــــــلغ بيــــــــــــان 
العرض العادي
