حفل الشيخ / مهدي بن حسني بن وطبان التبيناوي شيخ شمل الشريهه
بسم الله الرحمن الرحيم ..
اقام الشيخ / مهدي بن حسني التبيناوي شيخ شمل الشريهه ( الشريهات ) حفل يوم الاربعاء الموافق 11/11/1428هـ بقاعه الاندلسيه بمدينه حائل احتفالاً بمناسبه حصول ابنه
: وطبان على شهادة (الدكتوراة) وقد حضر الحفل شيوخ القبائل واعيان منطقه حائل وقد تخلل الحفل عده فقرات اولها:كلمه للشيخ/ناصر العديلي
ثانيا/كلمه لوالد الدكتور الشيخ مهدي بن حسني التبيناوي أمير قبيلة الشريهه
ثالثا/كلمه الدكتور وطبان بن مهدي
رابعا/القى كلاً من الشاعر مبارك بن طنا التبيناوي ,الشاعرناصر الشيب ,الشاعر جايز بن مقبل التبيناوي قصيده بهذه المناسبه
ولا يفوتنا الشاعر الصغير: فارس بن خيرالله بن جوعان التبيناوي قصيده مهداة لخاله الدكتور وطبان ..
وقد حضرة جموع غفيره.. ومن شيوخ القبائل الذين حضرواعلى سبيل المثال ( لا الحصر ):
الشيخ / ممدوح بن طلال بن غضبان بن رمال
الشيخ / وبران بن مشرف الكتفا
الشيخ / سليمان بن مرضي الرفدي
الشيخ / عارف بن درزي العردان
الشيخ / طلال بن مشل بن برغش التمياط
الشيخ / مصيخ بن حضيري الغالب
الشيخ / سعود بن صحن بن عجل
الشيخ / عماش بن نايف السعيد
الشيخ / بشير بن طلال الرباح
الشيخ / زامل بن نايف بن هذيل بن عمود
الشيخ / حمدان بن حمود بن جدي
الشيخ / مبارك بن عواد العبيكة
وكذلك العميد / عبدالله البنيان
ووجهاء المنطقه ومشايخ القبايل.. والعذر اذا نسينا احد من وجهاء المنطقه وشيوخ القبائل
وهذه بعض صور الحفله :
هذه صوره الشيخ / مهدي بن حسني التبيناوي وابنه الدكتور وطبان
هذه صورة الشيخ / ناصر العديلي عندما القى كلمة
هذه صور الشيخ / مهدي بن حسني التبيناوي عندما القى كلمه
من اليمين الشيخ / مهدي بن حسني بن وطبان التبيناوي . أمير قبيلة الشريهه .. والشيخ سليمان الرفدي .. و الشيخ / سليمان بن عواد الشريهي أمير قرية صحى ومن أعيان قبيلة الشريهه
من اليمين الشيخ / وبران بن مشرف الكتفا والشيخ الدكتور / وطبان بن مهدي والعميد / عبدالله البنيان والشيخ / عارف بن درزي العردان
صورة الشيخ الدكتور / وطبان بن مهدي التبيناوي والشيخ / ممدوح بن طلال بن غضبان بن رمال
من اليمين الشيخ / عماش بن نايف السعيد .. والشيخ / سعود بن صحن بن عجل .. والشاعر / خلف بن جزاع المعيبي.. والأستاذ / دهام الأسلمي
........................
قصيدة الشاعر الكبير مبارك طنا التبيناوي
يــا مسندي هات لقلم واحضـرالبــوك .. لـــو ضــاق غيــري بالتماثيــل ما ضيــق
لو كان باب القاف مغلـق ومصكــوك.. فــكيــــت عســــرات القفـــول المغاليــــــق
مبروك يـــا وطبــان وألــف مبــروك .. لـــعلهــا فـــــــال الســـــعد والتــــوفيــــــق
آميــن يــارب (ن) عــبادك تــرجوك .. يــا عالــم أســرار الدهــــر والمخــاليـــــق
هـذا فرحنــا كلنــا مــا بـــه شــكــوك .. سم (ن) علــى قلب العفــون المطافيـــــق
وطبـان تسلم يــا بــعد كــل صعلــوك .. يا الشيبل يـا نســل الحــرار المــطاليـــق
الحمــد لله درب الأجــــواد مــسلــوك .. حنــا لصعبــات المـراجــل عشـــاشيــــــق
من روس شمرزبن مـن جــاه مدروك .. وآفيـــن بــعهــود الوفــاء والمـواثيــــق
يا بن التبيناوي عزمن كـان مضكــوك.. يرقاء بعيطاء من طــوال الشواهيــــــق
شريهات زبن اللي من الغبن مزنوك.. يــــا صفقنــه غبــــر الأيــــام تـــصفيــــق
من ماضي اجدادك لحسني ليـا أبـــوك.. وقفــــات مهــدي بــااللــوازم مسابيـــق
من شجرتن خضراءلهاساس وشــروك.. الصدق ما يحتـــاج له ختـــم تصديـــق
فعل الحرار بروح الأللماس مسبــــوك.. الصاطيــات النــــادرات اللــــواحيــــــق
عندي على ما قلت بـرهان وصــكوك .. هـذا كــلام موثــق القــول تــوثيـــــــــق
والشعر تفخر بــه سلاطيــن وملــوك .. شـــرفت منهـــم للمراجـــــل مشافيــــــق
أمدح مثــل شرواك والهيس متــروك .. ولانــي بحــال ملفــق الهــرج تلفيـــــق
لله در اللي على العود (1 ) سموك .. يا رب جمع الشمـل مــن دون تـــفريــــق
آمين يامن خيــرّت عبــادك نــادوك .. بالفرض والسنّـة وفي ساعــة الضيــــــق
مبروك يا وطبان لك وألف مـبروك .. لعلهـــــــــا فــــال السعـــــد والتــوافيـــــق
العود هو الشيخ الأمير / وطبان بن حسن الدخيل التبيناوي ..
الشاعر الرآوي / مبارك طناء مبيريك التبيناوي الشريهي ...
قصيدة الشاعر الكبير / مفوز بن مقبل بن حشاش التبيناوي الشريهي
صوت الفرح جاني وأنا قلت مشكور .. دعوة فرح وأحس فيها سعادة
من شيخناا اللي ما تنازل عن الكور .. كور المراجل والصخا والقيادة
يحق لك تفرح لو طرت معذور .. طير السعد حلق وجاب الشهادة
مبروك يا وطبان وأصبحت دكتور.. خليت أبو وطبان ياصل مرادة
وأستسمحك والعبد منهي ومأمور .. والصفح للي مثل شرواك عادة
يقول الشاعر / منيف بن نواف بن حطيان الشريهي
الشهاد ة تستحقك وأنت تستاهل شهاده .. من بغا العليا يشد ومن بغى الدونى لقاه
والرجل اللي معه صبر ومعه عزم وجلاده .. ما تمل الدرب لله لين تاصل منتهاه
لك مع العليا سنام ولك مع العليا رياده.. وعشت يوم انك رفعت الراس با اعلا مستواه
نسل أحرار صيرمين قاطع يطرب هداده .. ما تحرى زاد غيرهو يتعشى من عشاه
يالله ياللي يصرفون الخلق لك العباده .. تحفظ الدكتور أبو مهدي ومهدي وأعضداه
وسلامتكم ..........
يقول الشاعر / عادي الرشيدي
فاض هيض المشاعر بالكلام الفصيح .. واقع الشعر بحلوله مدح الرجال
أعتنق هاجسي بالحال شعر المديح .. من بكور القصايد طيبات المنال
درت الفعل عندي ما مداها شحيح .. مثل ريح الصبا في مدلهم الخيال
لا عسفها من الشرقي هواهيف ريح.. وساقها للجنوب وردها للشمال
لبو مهدي مردود الكلام الصحيح . . الصراحه لها واقع وقدر ومجال
الصراحه لها مكنون قلبي يبيح .. قلت أقول الصراحه في كريم السبال
في بيوتن يطيب الها استماع الجريح .. مثل مايطيب للعطشان شرب الزلال
يا سلامي على راع الكلام النصيح .. ماهما ودق نو الوسم فوق السهال
لبو مهدي راي وفيه عقلا رجيح .. الشهاده براع الطيبه راس مال
اما انا يوم قلت المدح قصدي وضيح .. جيت ناصيك والله يا وافي الخصال
خابر" فزعتك ماهي سوالف مزيح .. جعل راسك يدوم ولا يجيه الزوال
وسلامتكم ..........
يقول الشاعر الصغير فارس بن خيرالله الجوعان التبيناوي
يا خـــــال لك مني تحية وتقدير .. اسوقها سوق الهبايب للأمطار
من عادتك جلب الفرح والتباشير .. ولك موقفٍ يحمد ليا صار ما صار
واعذروني ان كان بالقاف تقصير .. لأني صغير وما تعودت الأشعار
أخوكم / مهند التبيناوي
حفل الشيخ / مهدي بن حسني بن وطبان التبيناوي شيخ شمل الشريهه 
العرض العادي
