دائما وقبل كل قصيده لي كنت اكتب هذا بعض مانزفه قلمي كمقدمه ولكن اليوم غير فهذه القصيده هي بعض مانزفه قلبي على قطعة من قلبي نزعت من عروقها بقوة وقسوه لن أنساها ماحييت
ياللي بكاك القلب من قبل عيني=وتفطرت روحي من اسباب فرقاك
ليتك بعيد الدار حسك يجيني=ولاخذاك الموت مني ووداك
وليتك عدوي ماأبيك وتبيني=بس اني اشوفك مع الناس والقاك
وليتك قبل لارحت قلبك نسيني=حتى تطيب النفس لاحل طرياك
ياطول دربا حال بينك وبيني=محال اشوفك لوتمنيت لقياك
ولاعاد به مرسال منك يجيني=ووردا تركته صار بيديني اشواك
ياشيب عيني كيف اداري حنيني=لامن قريت اللي كتبته بيمناك
وياشيب عيني لالمحته بعيني=ذاك المكان اللي حفظ بصمة خطاك
يااخوي لا ياابوي لا ياضنيني=منهو بقى للروح من بعد فرقاك
يااصغر خواني ياحشاشة وتيني=مااتخيل اني يوم ادورك ماالقاك
يالعنبوه الموت لوشاف عيني=عليك من كثر البكا كان ماجاك
ليته يقدر دمعتي مع ونيني=لامر طيفك واوقظ الجرح ذكراك
وليتك على سطح البسيطه تبيني=وانا بوسط القبر ياجعلي فداك
وليته تركك وشال باقي سنيني=يكفيني اللي عشته بيوم وياك
وليت المنايا خلتك ياضنيني=لو هي ثواني بس اوادعك برضاك
أبي أضمك بين رمشي وعيني=واغمض عيوني عسى الموت ينساك
ولولا الحرام انه يجيك ويجيني=لاادعيه ربي ياخذ الروح وياك
إما معاك اعيش باقي سنيني=والا اندفن ياروح روحي بمثواك
يالعنبوه الموت لو شاف عيني 
العرض العادي
