.
.

( الفجْر ) يبكي نور / و الغيم ( منديل ) ..

.................................... و ( الشّمس ) تتنهّد على فراق ( ليله )

و ( الزّهْر ) يشكي من جفا ( نسمته ) حيل ..

.................................... و ( حمام ) من همّه نسى وش ( هديله ) .. !

و ( الليل ) غنّى / و ( القمر ) قال : ياااا ليل ..

.................................... بالله .. أبقطف من ظلامك ( خميله )

تتورّد بـ كف ( النهَر ) / لي ( مواويل ) ..

.................................... و أهدي ( قصيدة حب ) / و ادري قليله

بـ آعلّم ( النسمات ) / فن ( التعاليل ) ..

.................................... و آترجم ( أنفاس ) اللقا في ( فتيله )

أشعلها من ( صمت الحكي ) ويل x ويل ..

.................................... و ( الشّمع ) / شوقي ما كفاه .. و يسيله !!

تمشي لي ( أمطار الوله ) دربها ( سيل ) ..

.................................... خطواتها توطى ( الوهَم ) / ما تشيله

ينبت بـ أثرْها ( حلم ) / لا جيته يْميل ..

.................................... وتقول كنّي ( بـ استحثــّه رحيله ) .. !!

يركد / لو انّه حس هز ّ ( الخلاخيل ) ..

.................................... في ساق ( باكر ) / و ( الأماني ) جميله ..

يتوارث ( الدّمعات ) جيل ٍ ورا جيل ..

.................................... للصبح ( صبْر ) / و للمسا ( عشق ليله ) .. !


.

المبدعه ترفه

صح احساسك ابيات اكثر من رائعه تنبض

بالعشق والحنين اللامتناهي

دمتي ودام ابداعك

صح لسانك ترفه على هذه القصيده الرائعه

تقبلي ودي


العشيـــــــــــــــــــــــر

صح لسان قايلها وسلمت انامل ناقلهاا

ولاننحرم من جديدك

تقبلي مروري

تحيتي..............