بسم الله الرحمن الرحيم
بعد هذا الغياب اُطل عليكم بهذه المشاركه , واعتقد ان مايميز الشعر ويضع له بصمة الوفاء ويبعد عنه العنصرية والتعصب هي قصائد (رد الثناء) التي تعيد الى اذهاننا ماكان عليه اجدادنا من كرم الاخلاق وطهر القلوب ولباقة اللســان ورد الثناء والجميل للغير , لااُطيل هذه القصيدة كتبتها بقبيلة الســــلمان كافه وبأهل الحفير خاصــــة كرد ثناء لهم وهم يستاهلون اكثر , اليكم القصيدة .....
قم يانديبي واركب الشاص بالحال=عب التوانك واحمل ازكى تحيه
للي لهم بالقلب قدرٍ ومنزال=اهل الفعول الساميه والحميه
تلقى النشامى عاكفينٍ على دلال=البن والمسمار والشاذليه
شفهم بدارٍ من ورى ضلع واجبال=اهل الحفير اهل القلوب النقيه
نسل الشيوخ فعولهم دق وجلال=يشهد بها التاريخ واهل المطيه
لاجيتهم وصل سلامي للاشبال=اللي تواصوا بالوفاء والعطيه
وشيبانهم رمز المكارم والاجلال=بيوتهم مدهال صبح وعشيه
تلفي على (السلمان) ذربين الافعال=وامارة ( العــردان) فوق البنيه
إمارةٍ زادت على الطيب بأعمال=وشامت عن دروب الحياة الرديه
صغيرهم ينشى على زين الاعمال=وحدد مابين الناس ميزة خويه
وكبيرهم طابت علومه مع الفال=هواه دهن العود واحلى هويه
(والمسعد) اللي حازوا الطيب بأخصال=وصلوا على ماقيل للعـــالميه
وفي بيت (ابوسليمان) شيال الاثقال=لقيت للقـيـفـان مزنٍ هميه
في مجلسٍ مافيه قيــلٍ ولاقــال=غير العلوم الطيبه والعذيه
وسلم على الضبعان لاجيت مدهال=بيتٍ لأبو ناصر بيسوى مجيه
الباب مفتوح ولاصك بأقفال=تنصاه شمر والرجال السخيه
وابو خلف سلطان والله على البال=في مجلسه شفت العلوم البهيه
هذي بيوتي بالقصايد وتختال=واعم انا السلمـــان باحلى هديه
مثايلٍ تنضم على البيض بخلال=تبقى بيوته ثابته ومحميه
ياعناد مالي قصد في مدح رجال=شي سمعته ثم شفت النديه
الطيب يبقى مابقى الكون باحوال=والا الردي ماضن يضفر بشيه
ولكم سلامي عد ماشايلٍ شال=وعداد نبتٍ بالفياض الخليه
وانا من رجالٍ تعلم للاجيال=ربعي ترى الويبار وقت اللضيه
صفران لامن قيل صاحوا بالاهوال=نرد المعارك مانهاب المنيه
وصلوا على المحمود ماسايلٍ سال=نبينا الهـــــادي لكل البريه
وتقبلوا تحيااااااااتي محبكم الشـــــــاعر : نايـــــــف الناهـــــي
قصيدة رد ثناء بأهل الحفيـــر 
العرض العادي
