مع جيرة الله يا جماعة فلاحي = تحدروا مثل الجمال العزيبي
العصر مدوا فوق جيبٍ بضياحي = معهم ولد عمي ومعهم نسيبي
متواعدينٍ بين حزمٍ و ضاحي = بين الابراك وبين حد الشعيبي
ريح الخزاما والنفل يوم فاحي = لا هب نسناس الهوا تقل طيبي
مده ولا مد اليدين الشحاحي = شيٍ مقدر والمقدر يصيبي
قام المطر يمطر ولا من مراحي= الكل منهم يجتلد تقل ذيبي
الكل منهم ليلته ما استراحي = سردٍ وطردٍ لين غاب الرقيب
لا من زهاب ولا من ارضٍ سماحي = ولا به من البلدان شيٍ قريبي
كود الشياول والطبر والمساحي = والليل ظلما والمطر له صبيبي
وعقب العشال لا شافوا البرق لاحي = قالوا تقدم واستغث يا خطيبي
واميرهم مع طلعة الشمس راحي = يبي يدور للنشاما حليبي
اقفى كما هفت خفوق الجناحي = يبي الشمال وراح يم المغيب
ورجع معيفٍ فوق كوره يلاحي = يالله دخيلك عن رداة النصيبي