عابرة سبيل من منا لا يعرف هذا الاسم ؟
شاعرة كل الاذواق ومتعة الشعر النسائي الحقيقي ، عندما تقراء لها نصآ . تحس بقيمة الشعر الأنثوي ووقاره . ولما لهذه الشاعره من قاعده جماهيريه بحكم ما قدمته من شعر راق كان لابد من ان تكون في قلوبنا دائما .. ( سائلين الله ان يتغمدها بواسع رحمته )
بطاقة شخصية
تقول عن نفسها من خلال قصيدة لها عنونتها بالبطاقة الشخصية
انا عجوز مطلقه وام ورعــــــــان = وايضا مدام وبنت وآنس وعانس
انا بدويه وعايشه عند حضـــران = وبنت البحر وابوي زارع وغارس
اميه ما تعرف حروف والــــــــوان = وتلميذه دشت جميع المدارس
ظفره وخبله،عاقله، في نقصان = شرود وانطح لي ثمانين فارس
خلون.اعيش العابره دون عنوان = طيفٍ يمر بلا رقابه وحــــــــارس
هذه الشاعرة التي يسكنها الابداع وتنقله لنا في قالب شعري ولا اروع . لها فكر ممتع وافكار قلّما تجدها لدى اغلبية الشعراء ذكورا واناثا..
ياكثر افكار ٍ توارد في مخيلتي = ياكثر ماصدها وكني ادللــــــها
لا وعذابي بليلي وعز قايلتي = الكل منهن تبي مني اسجلها
شاعره تحمل من الواقعيه والحكمه الشيء الكثير ، تكتب الواقع من الشعر وتعزف على وتر الحقيقه التي يتجنبها الاخرون .
الناس سدادة سلف يوم الرخا باكر يضيــــــع = ما ابي اسوي حاجةٍ اصبح عليها نادمــــه
ابحث بقلب التجربه واخذ من احداث الجميع = عبره تساعدني على صدمات وقتٍ قادمه
تزهر عابرة سبيل كما تزهر الاوراق وتفوح رائحتها النديه مع كل قصيده او فكره تطرحها ..
تدري حبيبي بطبعي حيل وتعرفه = العين بالعين والبادي هو الظــالم
ماني ورا العاطفه بالحيل منجرفه = طبعي على صد ردات الفعل والم
قمة الروعه والحفاظ على الذاتيه بكل اناقة ..
ما يخالف ارحل بس لاترحل بعيــــد = ما يخالف اهجر بس خلك بداري
مايخالف اعشق الف عذرا من الغيد= مايخالف اجرح بس حاول تداري
وهنا توظيف المفرده وجودة في الطرح والفكره ، هنا دها شعري وروعه شعور ، هنا قدره على تغيير السائد والمفهوم ..
هذاك لو قال الشتا صيف عرّقت = ولو قال صيفي برد شبيت ناري
هذاك لو قال الجمل طير صدّقت = اقول ريشه بعثرته الصحـــــــاري
هذاك لو قال المطر كذب وافقت = وادّور الاعذار حق الخبـــــــــــاري
هذاك لو قال القمر طاح صفقت = اقول مللته كثير المســـــــــــاري
هذاك لو قال النظر عيب دنقـت = يصيرلي كف على اللمس ضاري
هذاك لو ينفي وجودي توهقت = ما عاد ليّه حل غير انتحــــــــاري
لم تخلو قصائد عابرة سبيل من الطـــــــــــــــــــرافه رغم ما تحمله بقية قصائدها من حزن وغزف على وتر الوداع ..
تقول في احدى قصائدها :
لي صاحبٍ منّه تبي تطلع الروح = خبل ومنهي مولعه فيه خبله
عامين المّح له مع الجد ومــزوح = واقول ياعنتر تناديك عبــــــــله
ومن البطا ناديت بالصوت يالــوح = مجروحه جرح مخاطره عجـــله
دنق وقال انا من العام مجـــــروح = واشّر لجرحٍ مبطي وسط رجله
وتعتبر هذه القصيده من اصدق واجمل ما كتبته عابرلاة سبيل ..
شقول له ؟
باكر يجي ياشيب عيني من الويل = من عقب ما سافر سنين مديه
شقول له صاروا عيالي رجاجيـــــل = شقول له ماني بعهــــــــده وفيّه
ان قلت له اني تعذبت بالحيــــــــل = وان قلت له اكبر عيالي ســـميّه
يبي يعذرني ويترك القال والقيـــــل = ولا يجي ويّا زمـــــــــــــاني عليّه
رحمك الله ياعابرة سبيل، فقد كنت نموذجا رائعا للشعر .. للشاعرات .. وللمتعه الشعريه !!
ولكم اجمل تحيه ..
شــاعره حفرت حروفها في ذاكرة الشعر .. وغادرت بكل هدوء ؟؟؟؟؟ 
العرض العادي
