معطف البرد لف الازمنه والمكان
والمدينه عطاها البرد رونق جديد
شامخه في معالمها حكاية زمان
قصة الفجر والقمرى ومجدٍ تليد
حائل العشق لوانه بسحرالبيان
قلت فيك القصيداللي يسمى قصيد
بس كلي مشاعر ماحكاها لسان
اقرها في عيوني والمحه بالوريد
يامنابع غزير المد اول وثان
فيك قصة يمين الشح علمٍ اكيد
فيك هيل المعاني غازل الزعفران
واختصرتي مسافات الزمان البعيد
روح شمّر ورحي يوم ان الاوان
غردي ياحروفي واطلبيني مزيد
فيك لوقلت خاسر ماخسرت الرهان
فيك من قال شعره شاعرن مستفيد
يوم نار المشاعر ذوب الشمعدان
قلت للشمس غيبي لايذوب الجليد
اكتسي يابلادي يابلاد الامان
في شعوبك تباهي واذخريهم رصيد
التطور ضروره والزمان امتحان
والحضارات تبنى والمواطن سعيد
شعب واحد وقاده والتآلف ضمان
في زمان التحدي كل عزمٍ حديد
ازدهارالمداين فكر والامبان
عكس موت الاماني في عيون البليد
والاماني كبيره والخطا باتزان
وكل رايٍ على درب المعالي سديد
وكل حرف فبلادي لونظمته مدان
ماحكى عن شعوري لواقوله واعيد
ولو سألت الجواهر عن عقود الجمان
قال حائل واهلها والتراث المجيد
بس شعري شعوري لوجفاه المكان
ادري اني لحالي بس ماني وحيد
ملهمه يابلادي يابلاد الامان
فيك من قال شعره شاعرن مستفيد
شعرسعيّدالعمودي
العرض العادي
