خواني واخواتي اليكم هذه المشاركه التي وجدتها في احد المنتديات
واعجبتني وحبيت انقلها لكم, واتمنى ان لا تكون مكرره .
بالله قلـي يازمـان المهـزلـه يامحـتـرم
شلي بقى من عالمك قلي وانـا باستوعبـه
علمتني كل الدروس وقلت لـي كـل الحكـم
لكنك اخفيت الحقايـق وأبتلعـت الاجوبـه
امـا انـت كـذاب وردي ولاانـا ماافتهـم
واحد من الاثنين فينا ماوثق فـي صاحبـه
لو تلفتفت ياسيدي وتشوف تاريـخ الامـم
ماقلت لـي ان الزمـان جهـاد ولاتجربـه
هذا الزمن مايعشقه ويعيش فيه الا الصنـم
ماتقدر تميـز غثـاه وبلبلـه مـن عقربـه
فيه الحقايـق كنهـا الاحـلام للـي ماحلـم
تغريه لكن ايتوهق فيها مـن كثـر الشبـه
اختلطت الاوراق فيها وصار بالـوادي قمـم
حتى الصغير يازمـن قـام يتفاخـر بشنبـه
فيه الردي اصبح مهم ويحترق فيـه الاهـم
عالم من الكذب الرخيص وعالم من الاتربـه
الوقت يلعب لعبته والذيب هـام مـن الغنـم
معذور ذيبك يازمن لو جـاه طفـل وهيبـه
بيتٍٍ يهدده الضياع وتنشـرى فيـه الذمـم
لاعاد تشره يازمن لو جاه ضيـف وخربـه
والظلم قلي من بقى في هالزمان وما أنظلـم
ولاانت خايف تظلم الظالـم وتدخـل مكتبـه
لو فيك خير ان كان ماوزعت كلمة والنعـم
وخليتها بين الخلايق تنعطـي مثـل الهبـه
لاصار طيبك يازمن عن الـردي ماينقسـم
ليه نتعذب يازمن فـي هالنفـوس الطيبـه
لو المراجل تنشرى وتباع في حبـة خشـم
ماشفت لك حرٍٍ يصيد وعزتـه فـي مخلبـه
لو بشتكي لك يازمن ماني بشاكي مـن الـم
لاكن بنثر لك كلامـي وانـت قـوم ورتبـه
لو كل من حده زمانه باع صوتـه وانطـرم
مابين الابداع بالدنياء ولا شفنـا الموهبـه
كم خلد التاريخ من مبدع وكـم خلـد اسـم
شيب براس العالميـن وراح محـدٍٍ شيبـه
للحين راسخ في جبين الذكره مثـل الهـرم
ماتقدر الدنياء ولا التاريـخ يقـدر يشطبـه
اليوم جاء من غير الافكار فـي جـرة قلـم
يكتب ولكن للاسـف مايفهـم اللـي يكتبـه
يلهث ورا طرد السراب وعايش بدنياؤ الوهم
ويستغرب ان الناس هذي كلهـا تستغربـه
ويهدم بنايات الفكر ويرجع ويبنـي ماهـدم
يرضي غروره ويتباهى في عيون المعجبـه
عنيد مايرضى يطيـع ويقتنـع انـه قـزم
يصدق اللي صفقو لـه والصـدوق يكذبـه
لو الزمن يسمع كلام الناس ماجـار وظلـم
لكنها من عصر ابونـا آدم وهـي متقلبـه
الوقت هو الوقت والمحظوظ من خاف وسلم
كم واحـدٍٍ قبلـك تحـداه الزمـان وغيبـه
بنثر لك كلامـي وانـت قـوم ورتبـه 
العرض العادي
