هـذه قصيدة موجـهه لأحـد الأصحاب المـدعـو ( فتى الجلف ) الـذي ماتـعب من أن
يشتكي من الحب ومن أهوالــه فأحبـبـت أن أساجلــه والمجال للمساجلة مفتوح
قم ياشعري وانتهض ثـم تهيّـا=واجمع حروفك ودها يـم غالـي
سلام لفتى الجـف ألفيـن حيّـا=تحية مظمونهـا الشـوق جالـي
ياراعي الحـب علومـك خفيّـا=سرك محبـوس بصـدرٍ شمالـي
عزّي لك مـن حـب كلـه بليّـا=تلقى به الراحـة وهـذا محالـي
تكويـك نـاره كيـةٍ فـوق كيّـا=تشوى عروق قلبك على له صالي
تسهر عيونك ليلهـا السرمديّـا=كنك خفـارة عسكـري بالليالـي
أعضم مصيبة القدر يـوم عيّـا=يجمـع شمـل المحبيـن لحالـي
تضيق بك دنياك وتمـوت حيّـا=ياصعب وصل اللي له القلب مالي
درب الهوى أشواكه هنا وهنيّـا=يكود تاطى الشوك مامن مجالـي
وإن كان خلك مادرى عنك شيّـا=ماحس بـك وبحبـك لامايبالـي
ياعزتي لك مـن محبـك ياخيّـا=تزيد طعون القلب والدمع سالـي
وتصير انت والهم دايـم سويّـا=ياكن صدرك لجبل ( شمّر ) شالي
حب علـى ماقيـل مابـه ماويّـا=تلقى به حسـرة بـأول وتالـي
قتيـل الحـب مالـه ثـار وديّـا=يضيع الـدم مايعرفـون القتّالـي
اهرب عن شمس الحب خلك بفيّا=وإلا شربت مـره عـذب زلالـي
@ @ ســـلام لفتــى الجـلــف ألفيــن حــيّـا @ @ 
العرض العادي
