من يم نجد وشـرق مكـه وطيبـه لين الديار اللي جنـوب القريـات
جيت بخفوقي شوق ماينحكـي بـه اكبر من حروف الشعر والكتابـات
شوق ِ مهو شوق الحبيـب لحبيبـه شوق الطنايـا للكـرم والجمـالات
ولو قالوا ان الدار ماهـي قريبـه بقول : يعني ماتهـون المسافـات
ماهم بربعـي بالليالـي الصعيبـه أجل وربـي ماحسبـت المشقـات
(شمر) ليا صك الصليب بصليبـه إهجد ياجن وإنس لأهل الطويـلات
يرضخ لهم هالطيب حشمه وهيبـه ويرفع لهم بالعز بيـرق ورايـات
ومن مرهم طرقي بيآخذ ضريبـه فنجال ٍ أشدى من خضاب الخوندات
والموقده تشهـد بـراس الرقيبـه ومن طيبهم ماينزلـون الطمانـات
(والشمري) من طيب راسه وطيبه به ميزة ٍ عدّت حـدود المـروات
لاثارت الفزعات .. لاتنتخـي بـه لأنه يثور من الطنا دون فزعـات
الله خلقهـم للمصيـبـه مصيـبـه وللنـار نـار وللمعالـي ريـادات
وللمـوت مـوت ولللهيبـه لهيبـه وللطيب طيب وللمراجل سيـادات
لكن بهم حاجـه ولاهـي غريبـه يمكن يخون إبها الشعر والعبـارات
إليا بطشوا خلو المضارب عطيبـه وإليا عطوا مامدوا إلا الجزيـلات
ما ارفع مكانتهـم بشعـر ٍ اجيبـه هم يرفعون حروف شعري مقامات
وآخر ما اقول بهالشعر وانتهي بـه بحطها بقوسين وأربع علامات !!!!
(الشمري ! عيبه ! وعيبه ! وعيبه إليا ارتكى للحمل شال الثقيـلات )
مشكور اخوي الكريم لاعدمناك
تحياتي