يامـودع روح الغـلا فـي سكينـه=بالخير مذكور . معـك ماضـي راح
أخرست بغيابـك ضجيـج المدنيـة=وهاج السكون بصارع اطلال واشباح
حتى الليالـي مـن فراقـك حزينـه=تبكي قمرها ويصرخ النجم بصيـاح
وقلوب كانـت مـن غلاكـم رهينـه=هب الفراق وخلف همـوم وجـراح
والعاشق اللي طاول السهـد عينـه=ماله ولا له غيـر مركـى ومسبـاح
في صدره العبـرات جاشـت دفينـه=تنحب شموخ من على قمتـه طـاح
يعيد ذكـرى سالفـه مـع ضنينـه=يكتم غثاهـا لكـن الدمـع فضـاح
يمـر طيفـه يسـال الحـب وينـه=يحمل عبير الحرف من صفحته فـاح
والبسمة اللـي بالشفايـف سجينـة=تصحب غرام (الآه) مسرى ومـرواح
ظلام ليـل ويـأس يطـوي حنينـه=وبارق وداع الموت في مهجتـه لاح