في ذمتي ماطاك يسـوي قبيلـه
وهامتك يالمحبوب تسوي قبايـل
وفي ذمتي كل العيـون الكحيلـه
تكحل برمشك وانت راع الجمايل
ان قلت أوصافك تري مستحيلـه
أكيد أطباعـك وصوفـه جلايـل
وفي كل احوالك اشوفـك جميلـه
حتي الزعل له فيك ورد وخمايل
كثر القصايد فيـك تبقـا قليلـه
ما ينصفك شعر الملاء والمثايـل
وكيف القصايد عند غيرك هزيله
وألا ذكرت أسمك غدت بك جزايل
تبي الصراحه انـت والله مثيلـه
ماينوجد بين العـرب والحمايـل
دانه نفيسه مترفـه فـي خميلـه
في متحف آياتٍ تفـوق الكمايـل
وتصدق ان البيض عبلا وليلـه
منُك يغارو وهم تحـت النثايـل
ومجنونها اللي قال ليلـي عليلـه
يم العراق وصاغ فيها الهوايـل
لو كان شافك حطك انتي بديلـه
ولاهمته ليلـي ولا قـول قايـل
ياصاحبي ساعات ليلـي طويلـه
في غيبتك و العمر كلـه ملايـل
وان خيروني بين شمس وظليله
اخترت شمسك والعطش والقوايل
بس انت قدر من يساوي قبيلـه
بماطاك وألا هامتك عـن قبايـل
اتمنى تنال اعجابكم

قصيدة بديعة وجميلة

صح لساااااااااااااااان شاعرها
ودمت للنقلة الحلوة

وفي انتظار جديدك دوما

ودي وتقديري

احييك على انتقــاءهــا لنـــــــــا

ابــــــدعتِ اختي العزيــزة

دمـــت بخيـــر