اولا / يشرفني التسجيل في منتدى حايل نت و تحيه عطره لجميع اعضاء المنتدى الكرام
ثانيا /
هذه القصيده ، مما قال الشاعر : ممدوح سماح السلماني الزميلي الشمري ردا على الشاعر : محمد بن ساقان القحطاني.. الذي مدح شمر هل الدم الحمر
[ و أعذروني عن القصور ] -
يقول من يبدع بيوتن غريبه** من نقوة أفكاره بيوتن جزيلات
من جاش بالاشعار زامي شعيبه** جاشن يترجم فكرتي با الكتابات
ردا" على راع البيوت العجيبه **راع البيوت الصاملات العذيات
الشاعر محمد زبون الصعيبه **محمد عريب الساس شوق الخوندات
من لابتن كل القبايل تهيبه** قحطان مروين السيوف الشطيرات
قحطان قحطان العرب و العريبه** عز الصديق أهل الصخا و الشهامات
قحطان لا دان الحريب لحريبه** يروون حد السيف يوم الملاقات
أهل النقا و الطيب ما فيه ريبه** و أهل الوفا و المرجله و المروات
عدوهم منهم حياته كئيبه **و خويهم كنه براس المنيفات
يكفي بكم راع اليمين الذريبه **الشيخ ابن هادي زبون الثقيلات
ستر القصاير و الذيابه صحيبه** يوم الحرايب و الطنا و المثارات
و شالح عريب الساس و الذيب ذيبه** و فديع نطاح الجموع المغيرات
و ايضا المهادي عز من ينتخيبه** و فرسانهم ما تنحصي با السجلات
و أنتم على كبد المعادي مصيبه** و عدوكم ما يهتني با المنامات
با الطيب و ألا يا محمد غصيبه** أنتم نصبتوا با الطويلات رايات
أفعالكم با الطيب كلن حكيبه** تشهد لكم حدب السيوف الرهيفات
حمايت التالي نهار الحريبه** لا جا نهار" فيه جوله و صولات



وسلامتكم

اخوكم الشاعر / ممدوح سماح السلماني الشمري

شاعرنا

ممدوح السلماني


صح لسانك


وعلا شانك



رد وافي ...



..ومستحق منك وللشاعر إبن ساقان



اقدك لك كلمة مرحباً ...


...بك بمنتداك


ونتشرف بكل قصائدك



تحياتي

شاعرنا ممدوح السلماني

صح لسانك مليون

ونعم فيك وفي قصيدتك

ويستاهل ابن ساقان راعي الاوله

الف شكر واهلا بك معنا

وجودك هنا سيضيف لنا الكثير

دمت ودام وجودك

,,


الشاعر ممدوح السلماني

صح لسانك وعلا شانك

وتسلم على هالقصيدة الرائعة

يعطيك العافية

تحياتي لك

,,

ممدوح سماح السلماني الشمري

صح لسااانك

وتسلم على هالقصيدة الرائعة

وبن ساقان يستاهل

الله يبيض وجهك

جميع من شرفني و علق على قصيدتي اقول له صح بدنك و شكرا لكم و الله يوفقكم لما فيه خير