اخواني واخواتي الموجودون في المنتدا الرائع والجميل
احب ان تنال هذه القصيدة اعجابكم
هذه القصيدة كانت بيني وبين احد الشعراء المبتداين مثلي مع ان بعض
ابيات قصيدتة فيها كسر
هذا شاعر كتب قصيدة وارسلة لي مع اني لاعرفة ولكن قال له احد الزملاء
اكتب قصيدة وارسلة يم متعب شف هو يرد او لا
يقول في قصيدتة:::::
يقول من عيا على النفس تنهان=مرخي خيام الشعر شالع عمدها
ذيبٍ عوا فوق المراقيب جيعان=ينشد عن الشعار باقصى بلدها
ياللي تحداني معي مانت ربحان=لاتحط عينك بعين السبع تفقدها
مانتا على رد المنيات قويان=عندي غيوم الشعر يصرخ رعدها
فلما جتني الرساله انا لاعرف الشاعر منهو وهذا اكبر غلط انك توجه
قصيدة الى شاعر وانت لاتعرفه وخاصه ان تكون استفزاز مثل هذه القصيدة
فرديت عليه اقول::::::::::::::
عادتنا مانسمع فلان وفلان=ننطح القوم ولا نحسب عددها
الخيل له من فايت الوقت ميدان=وسيوفنا بارض المعارك وعدها
والله لاخلي عزتك تحت تنهان=وتفقد عيونك شوفها من رمدها
نصيحتي تلعن ثمانين شيطان=وقل للثعالب لاتقرب فهدها
ان كان قافك تكتبة دون عنوان=قيفاننا نعرف مرامي هددها
متوارثينه من هل الطيب والشان=افعالهم بالطيب ماحدٍ جحدها
جذيل جدي وايضاً الجد خشمان=وسلمى دياري وانا متعب ولدها
يالي تحداني ترا مانت كسبان=كنق القصايد وانت توك وغدها
وارسلت القصيدة فرد بقصيدة يقول:::::
قدر كلامك تالي الوقت وابداة=واحسب احسابك للرجال الشديدة
كانك تبي ذيب القوافي تحداة=وترخص حياتك لاجل خاطر قصيدة
ابشر بذيبٍ من قسا الوقت ماقواة=قناص والقناص ماحدٍ يصيدة
ماقال بين الناس شعرة معالاة=صاغ القوافي من خوافي سهيدة
ماقل دل اليا تمعنت معناة=تلقا المعاني كل ابوها وليدة
فرديت عليه اقول:::::::::
البادي اظلم وانت ساسه ومبداة=مثل الذي يحفر لمرماة بيدة
واليوم صرت من الزمان وضحياة=احسب احسابك صرت تحتي مريدة
الي قرب سم الافاعي سقيناة=ومن قال انا قافي مذوب حديدة
حنا صواديف الزمان انتحداة=حذراك انا ابعد غلطتك لاتعيدة
حنا كما نجمٍ على القاع مفناة=عدونا نسقية سم ونزيدة
وسلامتــــــــــــــــــــــكم
اخوكم/ متــــــــــــعـــــــــب الـــــلـــــغــــيــــصـــــم
عـــــــــــــــــــادتـــــــنــــــــــا {{{{{{{رد}}}}}}}} 
العرض العادي
