حبيبي خافقي بعـدك تغـرّب
وزاد الشّوق همّه والتياعـه
على كف القدر شرّق وغـرّب
يضم الليل ويعانـق شعاعـه
ينادي والصّدى دمعه تسـرّب
من أعماق الرّجا لحظة وداعه
حبيبي بالغلا تكفـى تـذرّب
ولا تخنق هوانا كـل ساعـه
حسافه طبعك الوافي تخـرّب
طعنت الود في عز اندفاعـه
أمانه مـن معاناتـك تـدرّب
وقلبي لا تعجّل في ضياعـه
حبيبك عن غرامك ما تهـرّب
وكثر الهم ما غيّـر طباعـه
حبيبك كلّما عانـى وجـرّب
تعثّر والزّمن سامـه وباعـه
طلبتك من ظما روحي تشرّب
وزيد الشّوق لهفه بامتناعـه
تمادى بالغـلا منّـي تقـرّب
وبعد اليوم لا تطري قطاعـه
حبيبي عانق الحرف وتطرّب
أحبّك والهوى أكبـر إشاعـه
منقوووول
أكبـــر إشاعـــه 
العرض العادي
