اللـى حصـل تــرى مــع سـبـق الاصــرار = والـلـيـل تـــوه والـسـوالـف طـويـلــه
ماجابـنـي لــك ضـعـف ولاجابـنـي عــار = الـقـصـد واضـــح والـنـويــا نـبـيـلـه
أنــا شمـوخـي يـولــع الـنــار بـالـنـار = لــو طــاح راســي لــي كـرامـه تشيـلـه
وموضـوعـنـا مـابــه تمـيـلـح واعـــذار = الـحــق حــــق وكـلـنــا نرتـكـيـلـه
والمجلس لـه فــي خـاطـر الـكـل مـقـدار = مارضـى الغلـط مـن اي واحــد يـجـي لــه
يا فلان انــا عـنـدي خـبـر بـالـذي صــار = صــار الغـلـط مـنـك وعـنــدي دلـيـلـه
وسوالـفـك وشــى بـهــا كـــم ثـرثــار = ومــن عــادة الـواشـي يـشــب الفتـيـلـه
ومـن يجهـلـك مايـعـرف عـلـوم واســرار = ومـاحـد(ن) يـفـرق بـيـن غـتـره وشيـلـه
لاشــك انــا سـامـح بـــودي ومـخـتـار = ومــن عـادتــي رد الـمـسـاوي جمـيـلـه
ومـن شـان لـك فـي ماضـي الوقـت تـذكـار = ويمـكـن جــوادك فـيـه كـبــوه ومـيـلـه
ونــا عـلــى زلات الاصـحــاب صـبــار = ولاعـــاش راس(ن) مـايـعــذر زمـيـلــه
طبع(ن)ورثـتـه مــن هــلا الـبـن وبـهـار = شـمــر الـيـاعـدو شــيــوخ القـبـيـلـه
ولعيـون مــن سـاق.. وسـاطـات الاخـيـار = الـلـي لـه الـخـيـر وقـفــه جـزيـلـه
الـمـعـذره واكـــرر الـعــذر بــاعــذار = ولاكـــدر الله بـيــن خــــل وخـلـيـلـه