هذه القصيدة كتبتها لانسانة لها مكانة بالقلب ،،، واتمنى ان تصل فحوى القصيدة لها
قد أنثر قطرات الدموع على أبيات القصيدة ،، ولكن لن تطفأ النار الموقدة بالصدر
اتمنى ان تحوز على استحسانكم ،،،،
البارحة دمعي مـن العيـن مـدرار=صب المزون اليـا تهامـل مطرهـا
ياونتي صارت على القلـب منشـار=افزعت خلق الله وصحيـو بشرهـا
حسرات فيني فاقت أوراق الأشجـار=واعداد نجم الليـل واللـي نظرهـا
أهوجـس بليلـي وأقّلـب بألافكـار=في الذكريات الماضيه فـي صورهـا
الجرح ينزف لاكتبت مـن الاشعـار=ولا اظن تبرا الحال زايـد خطرهـا
الطب يعجز عـن علاجـي ويحتـار=اعلاج قلبـي بسمـةٍ مـن ثغرهـا
صويبةٍ روحي كمـا طعـون غـدار=طعون الخناجر هاينـه مـع سفرهـا
عقب الفراق الكون مظلم بلا انـوار=الشمس غابت من يضـوي قمرهـا؟
كأني غريـقٍ غـارق بقبـة ابحـار=مافادتـه طـوق النجـاة ببحـرهـا
مابين حزن وضيق يعصف كالأعصار=القلـب ينـزف والمدامـع نثـرهـا
اكيـد ابـن ادم معـرض لـلاقـدار=وخسارتـه ياكبـرهـا لاخسـرهـا
بقسوة زمن مايسبقه سابـق انـذار=كنه امواج البحر تصفـق صخرهـا
ادعوك يارحمن في وقـت الاسحـار=تمسـح جميـع اذنوبنـا واتغفرهـا
وســـــــلامتكم
اهداء .. لحبيبتي .. ( البارحة دمعي ) .. بقلم الشاعر / محمد النبيجاني 
العرض العادي
