هذه القصيده لصديق لي أنعم الله عليه بالمال الوفير ورغد العيش ولم ينجب سواء (أبن) واحد
فكتبت هذه الأبيات له لكي أحثه على أن المال والبنون هي زينه الحياه الدنيا
ملاحظه الرجاء من المتزوجين والمتزوجات بأن تتسع قلوبهم لهذه القصيده وهي ليست تحريض للزوج بأن يتزوج على زوجته 
المال والضنى نعمه من دايم الدوم = ربي اللي خلقنا وطالبنا بأفعال كثيره
كل البشر تبي زود ذريه وهذي أبسط الحلوم = اللي ترجي لتحقيقها العقول المستنيره
لا صرت تبغى ذريه والمال تكدس بالكوم = لا يردك عن الزواج أفكار وزود حيره
لا تزيد في التفكير ترى وقت العمر محسوم = دور عند فلان وإن مالقيت أطرق باب غيره
تراك وافي المراجل وعلومك أحسن العلوم = ما يردك الا شخص ناقص عقل وبصيره
تقدر تقول هذي حياتي ولاني فيك ملزوم = ما أبغى ( زود ) ترى حياتي ستيره
لا والله قلتها وأنا أقول كل شي مقسوم = بس العبد لا بد يسعى والياس من قلبه يشيله
يا الأجودي في زواجك منت أول أو آخر القوم = ولا أبتدعت حاجه ولاعاده خطيره
على الذريه زادت في قلبك الأوجاع والهموم = أعزم ترى فعلك بعيد عن الرذيله
تخاف أم عيالك تزيد عليك الكلام واللوم = لو(لامت) ماتستاهل تكون زوجه وعشيره
اللي يحب يخلص ولا يطعن بسيف مسموم = يضحي ويتمنى حبيبه سعيد (لو) مع غيره
لاكن اللي عندك أناني وفعله كريه ومذموم = لا يهمه كلام ولا ملام ولا يخاف من الفشيله
جدد حياتك وأترك عنك وجه الشوم = وراح تقول فعلي الأول فعل مجنون وهبيله
عجل بعدين تنزل السوق وما ينفع السوم = لا كبرت وصارت حالتك تعبانه وعليله
تستبعد ( تزل ) رجلك ويقلون صار مرحوم = ساعتها الناس راح (تنظر) من كنت تعيله
الرغبـــه والخــــوف 
العرض العادي
