الحب لو يبقى للادنين ميراث = ان كان حبيلك توارثْه الاجيال
ويعيش لازارع ولاهو بحراث = يقطف ثمرْه ولا كواه اشهب اللال
ياهيه لو اني بالاحساس عباث = ماجيتلك همٍ على حاجرك ســال
جيتك وانا ماني للاموات نكاث = جيتك من الرمضا وادوّربك ضلال
انا بلاي ان الجفا صار نفاث = في عقدة وصالك واعيذه ولا زال
لو للوصل روح وتواليه الابعاث = استغفرالله يمكن انك به تسال
مير البقا للحي والموت جثاث = والشوق يبقى للمحبين همّال
والسيل لو انه عقب سيله خباث = لابد مانشرب زلاله ولو طال
لكن ابيك لنفسك تصير حثاث = لاتامرك بالسّوّ فيني وتـغـــتال
ولا تستمع فيني عواذيل وخباث = لا جوك في حالٍ والى راحوا بحال
ارجع مدامي في بقاياك شباث = من قبل لايعرق حنيني وتنسال
وان جيتني قسّمت مرباعك اثلاث = لك بالعيون اثنين والخافق الثال
خلك هنا..وهناك..وهنيّ..مكاث = مابينهـا واختــال..رحـال..نـــــزال
عبدالله بن سالم الضبعان
ميـــــراث***** (للضبعان) 
العرض العادي
