مهما كتبنا وقلنا عن هذا الشاعر المبدع الاسطورة...,بحق لن نوفي له ماقدم (رحمك الله)
اردت ان انقل لكم بعض ماأعرف عن منصور .....
هذا الشاب الشاعر / منصور بن سعدي الرمالي الغفيلي الشمري من مواليد منطقة حائل بالمملكه العربيه السعوديه عام 1390 هجري 1970م شاعر من الطبقه الاولى توفي ولم يتجاوز عمره 25 عام في اوج شبابه على اثر حادث مروري مروع في منطقة الشرقيه عام 1995م برز في الشعر مي مرحله متقدمه من عمره اكمل تعليمه الثانوي وتوجه الى دولة قطر والتحق بالسلك العسكري ثم عاد مرة اخرى الى السعوديه والتحق ايضا بالسلك العسكري فلم يرق له الامر وترك الوظيفه ليتنقل من مكان الى اخر ابدع في شعر الغزل والنقد السياسي في ابياته مسحة حزن ويتبين ذلك في قوله
انا يوم ميلادي صدف مولد المأسات=وانا حظي العاقرسبب كل مآساتي
انا الحاضر الهارب من اللي الماضي اللي فات=وانا الماضي الهارب من الحاضر الاتي
اعيش العذاااااب بكل لحظه من اللحظات=من الهم تمضي كنها اعوام لحظات
واما في الكرم فيتضح جلياً في قوله :
أمر مـرٌّ مـر فـي دنيتـي لـي== وأمر مـرٌّ مـر لـي فـي حياتـي
لاجاني العاني وانا ما معـي شـي== ودي تجينـي قبـل يأتي وفاتـي
ان اعتذرته ظن ظـن الـردى فـي== وانا الردى ماهو صفه من صفاتـي
اضحك واهليبه وانا منكـوي كـي ==من خوفي التقصير فـي واجباتـي
ومن لااشتهر بالجود صيته وهو حي ==ماظاهرً له صيـت بعـد المماتـي
وفي عزة النفس يقول:
في فراش الموت خليني مريض== انثر العبره ولا اعيش برجـاك
واتركي دمعي على خدي يفيض== يمكن! انه لاانتثر يروي ضماك
اشهد اني يوم فارقتك حضيض== لو نهاية رحلتي صارت هلاك
وفي الوصف يقول:
الناس ربـي مـن تـرابٍ خلقهـا =وانت الذي من جوهر الماس مخلوق
والناس ساواها الولـي مـا فرقهـا= بس انت عن كل البشر صايرٍ فوق
انت البحر فيـك البواخـر غرقهـا= وانت السحاب اللي به امطار وبروق
وانت الجحيم اللي حياتـي حرقهـا =وانت النعيم اللي يشدن لـه الشـوق
الطـف بحالـي لاتسبـب زهقهـا =والحق على جسمٍ غدا جلد وعـروق
اخترت لكم هذه الرائعه من احد دواوينه الثلاث المسماة ((ألسنــة اللهب))
يقول رحمه الله :
اول قصيـده قلتهـا فيـك قـرّب= وآخر قصيده قلتها منـك هـارب
ما اقوى على التدريب وانت المدرب= ولايحتمل موج البحر كـل قـارب
لاجيبت اصلح جيت بعدي تخـرب =وبعد اتفاق الصلح ترجع تحـارب
ولاجيت يمك شرق ترجع تغـرب= وشوهتني بين الاهـل والاقـارب
النـاس قبلـي تستشيـر المجـرب =وعنك نصحوني سابقين التجـارب
آمل ان تحوز على رضاكم واتمنى من عتده اي معلومات او قصائد يضيفها وتقبلو تحياتي.
رمز الشعـــــــــــــــــر (رحمة الله عليه) 
العرض العادي
