وش ينقص الحر لامنّه بغى حاجه= غير انه يقول بسم الله لا شمر
وانا سرجت الخيال وريشتي عاجه=اغطها بالخفوق الينه تحمر
واخط من دمي لناصر ومنهاجه=وش هقوة الشمري فيكم وش يضمر
لك في حشاهم مشاعر فيك وهاجه=مشاعر الود في خفاقهم خمر
اغلى عليهم من المسجون لافراجه=سجين دم وسجله باسمه منمر
وشلون والشمس بالمشراق لانباجه=لابتّ ليلك خليّ وبرده يسمر
هذاك والله شعرك شايل سراجه=بين الحنايا وضوّه بالحشا عمر
الغيم يمطر قراحٍ مابه دباجه=والسكري ماحلا طلعه الى تمر
ومنك القصايد عروسٍ في تغناجه=سود العيون وجديل وخصرٍ مضمر
لو رحت للصين عاني ثم قرطاجه=ماضني اجزا كلامٍ قلت عن شمر
يانسل الاجواد يوم الطرش خداجه=ليل المعادي ضلامٍ مابعد قمر
قحطان والمعتدي له عوّد ادراجه=يرجع وراه بخلاه وحدّه يزمر
هذا نسيج الشعور بقلب نساجه=ماقلتلك ود في خفاقهم خمر؟
عبدالله بن سالم الضبعان
هذي رد على الشاعر الكبير ناصر القحطاني بقصيدة شمر 
العرض العادي
