( حديث الصمت)
أحب الصمت وجنونه...
وصمت الصمت وسكونه...
وهذي فلسفة حبي ..وذا قلبي..
أخاف أشكي.. وأسبب جرح ..
أخاف أشكي..وأكدر فرح..
أخاف أشرح..ولا أوفي..
و يضيع الحب ..و يضيع الشرح..
حروفي قاصره جداً ..
وأنا قاصر بفن الطرح والإلقاء...
أجر المبتدء..
و انصب وأضم الياء ..
أنا خريج كلية أصول الحب..
أعرف الجرح من نظره ..
وأعرف الطب..
ولكن علتي التعبير
أحس اني صغير بالتعبير ..
والتفسير..والتصوير..والتخدير..
وأحس أن الحروف أقزام..
أمام الشوق والإلهام
وأشوف ان الكلام يضيع..
مثل ذره بكون وسيع..
إذا ماشفت محبوبي ..
بعد عمري ..بعد قلبي.. بعد شوقي
ترى في الصمت آلاف اللغات تعيش..
تطير بلا جنحان ...
تغرد والنظر يسمع..
تقول لين الفجر يطلع ..
بلا تمثيل ..وبلا تظليل..
تترجم حالة الأحساس ..
بلا أحساس
تغني أنت أعز الناس..
حديث الصمت ..
يازينه حديث الصمت
بين عيوني وعيونك..
وبين فتوني وفتونك..
يخلي نبضك الولهان..
يسافر في شراييني..
ويخلي قلبك الشفقان..
بلا صوت يناديني
حديث الصمت..
به تعلمت أنا شلون أعد مسافات العمر كله..
وأسابق مستوى التفكير وأشله ..
وأفكك لغزك المدفون وأحله..
لجل حبك أنا نجم غدا ساطع ..
وفي حبك أبتمرد على الواقع..
أبكتب ألف قاموس ...
يضم أول حروف أسمك..
وبضع ألف ناقوس..
يدق آخر حروف أسمك..
ترى علمي وكل العلم..
قطره من بحر علمك...
وترى عدلي وكل العدل ..
ثواني من زمن ظلمك..
أنا ماأقول أحبك...
يتيمه قولة أحبك..
عقيمه قولة أحبك..
سخيفه مالها معنى ولا مضمون..
سخيفه مثل شمعه..بشمس الكون..
تعديت الهوى والحب..
أنا في مرحلة ...تفوق الحب..
تفوق الوصف والتوصيف.... والتخريف..
أنا حبي تعدى الحد..
أنــــــــــــــــا جمــــــــــــره بعز الصيف
..........مــــــاتت بـــــرد...
وسلامتكم...
حديث الصمت 
العرض العادي
