السلام عليكم ورحمة الله وبركاته
بصراحه لفت نظري موضوع ميال عقاله ولد شمر
وذكرني بقصه حدثت لي عيد الفطر الماضي هناء في امريكا :
جاء يوم العيد والبس ذاك الثوب اللي عندي من سنه وبدون كوي بعد والبس الشماغ والعقال وكان معاي مجموعه من السعوديين من كافه انحاء المملكه الزبده بعد صلاة العيد طلعنا نتمشى بالشوارع (ندور المفاطيح) والا هاك المطعم مالك الا هو الزبده كل الامريكان اللي يستغرب من اللبس واللي يضحك واللي يحط رجله خايف الزبده قابلنا امريكي وقالنا كل عام وانتم بخير(يعرف السلوم)فاجأني بسؤال غريب اخوياي السعوديين ماسألوني هالسؤال!!!
قال لي وش تعني ميله العقال؟وليش انت الوحيد اللي ميل عقالك؟
ضحكت (وبلشت بصراحه)مدري وشو هالسؤال ومن وين ملعون الجدف طب علي والمشكله معاي سعوديين يعني لو لحاله تهون اقرب مخرج على الطاير اعطيه اياه تمشي خمسة الاف.
المهم قلت اسمع هذي تعني ( brave heart) القلب الشجاع
قال ليش واخوياك يعني جبناء
قلت (هذي امهن) قلت لا بس قبيلتنا تعبر عن الشجاعه بميله العقال وقبائلهم يعبرون عنها بشي ثاني.
الامريكان فيهم حب الاستطلاع يحبون يسألون عن كل شي
انتهى بي المطاف اني واعدته يجينا لانه طلب اني البسه الزي السعودي ويصور فيه ولبسته اياه( طلع تقل فرخ مصري يدرس بالسعوديه وابوه مدرس كيمياء وعليه الحصة الاولى رياضه تشوف الجنز تحت الثوب شي ) وقام وميل عقاله يسار يعدلونه العيال وعياء يقول لازم يسار وصورته
والصور موجوده لو تبوني احملها حملتها.
اتمنى ان السالفه اعجبتكم ولاتشرهون علي ماعرفت السبب الا من هذا المنتدى الرائع
تحياتي..... مغترب
ماذا يقول الامريكان عن ميله عقال شمر 
العرض العادي
