انزين لحظه .. أنا عندي مشاركه
OK
أولاً عجبتني كلمة الشبكة العنكبوتيه هذي ههههههه .. يعطيك العافيه أخوي حايلي ..
وفوق هذا كله يعطيتس مليون عافيه وتبقى الروح روحي على هذا الطرح والأكثر من رائع والذي هو حال الشباب في هذا الزمان هدانا الله وإياهم ..
ثانياً تعليقي على الحب بصفه عامه :
لا حب عن طريق النت .. ولا عن طريق الهاتف .. ولا عن طريق ........ إلخ
الحب فقط هو حب الرجل لزوجته وأهله وفوق كل هذا حبه لله ورسوله .. (( وجهة نظر .. معليش ))
والي يقول غير هالكلام يعتبر مراهق وجاهل في أمور الحياه ويحتاج توجيه ..
سابعاً .. بالنسبة للسلبيات والإيجابيات :
من قال أصلاُ إن في إيجابيات إذا الوحده حبت لها واحد عن طريق النت ؟؟
وش هالخرابيط وهالكلام الي انا أعتبره معليش .. (( فااااااااضي )) وبقووه بعد ..
أبداً لا توجد أي إيجابيات ..
وبالنسبه للسلبيات .. فعد واغلط ههههههههههه
مقارنة بما ستخسره هالمسكينه الي انضحك عليها وتعلقت في وهم ماله نهايه ..
بقولكم قصه صغيرونه معليش تحملوني ..
كان لي زميل دراسه عراقي في الجامعه .. وبحكم ان الدراسه كانت كوكتيل فالرجال مل الحقيقه من موال الكوفي مال الاستراحه الي يتجمعون فيه الطلاب والطالبات في البريك تايم ..
فقرر ان يتجه للتعارف عن طريق النت .. تعرف عن طريق الشات على انسانه طيبه جداً كان يكلمها في المايك .. وانا طبعاً كنت رافض المبدأ من الأساس .. المهم كان دايماً يقولي على نواياه وانه وانه .. فحسيت ان هالمسكينه في خطر عظيم من هالذئب الي ناوي على أمور أخطر .. فحذرتها عن طريق الاتصال بالنت من نواياه ما صدقت وقالت انت وانت وانت .. خليتها وبعد كم يوم جت تبكي ..
طلعت طالبه في الجامعه ..
سلبها أغلى ما تملك ..
ألحين وش فيني قاعد أسولف ..
المهم الي بوصله ان ما في حب ولا خرابيط وأحسن للواحد والوحده انهم يتعوذون من ابليس وينتظرون نصيبهم ويسعدون بحياتهم ..
وجزاكم الله خير .. سامحوني على الاطاله .. بس الموضوع حرك فيني شغلات كثيرة
العرض العادي
