السلام عليكمـ








بنــات حابه اسالكم عن رايكم بالمركز الثقافي..
ناويه ان شاءالله ادخل دورة انجليزي وفوتوشوب ..
فاللي جربته يااااليت تقولي رايها فيهـ ..
وحابه ااسال ..
بالمركز الثقافي الطالبات يبقون بالعبايه ولايفسخونها ..<<سؤال غبي بس استحملوا شوي
والمجموعه الوحده كم طالبه فيها اوعلى حسب..؟

وكيف التدريس عندهم يجي منه فايده اولا ..

والله يجزاها خير الله ترد علي..
الله يعطيكم العافيه جميع




ضرورررررررررررررررري

هلا وغلا فيك اختي أوراق

أنا ارد ع اسئلتك كلها ان شالله

وبعدين تعرفين من انا

بالنسبه للمركز هو قطاع خاص فيه دورات حاسب وانجليزي وسكرتاريه ومكياج

بالنسبه للفوتوشوب بالعطله ان شالله بتكون

والزي يكون مثل الكليه بالضبط يعني كل الالوان مسموحه
لكن مايكون قصير ولا مفتح ،،، يعني العبايه تفصخينها
لأنه مركز نسااائي فقط

والجوال الكاميرا ممنوع
فيه دوامين صباحي من 8 إلى 12
ومسائي من 4 إلى 8


بالنسبه لدورات الحاسب معتمده من المؤسسه العامه
للتدريب الفني والمهني
فيه دوام صباحي ومسائي يعني حسب انتي وش تفضلي اي دوام..وتسجلين
والأستاذات فيه سعوديتين وقابلات للزياده
وثنتين سودانيات


أما الانجليزي فهي معتمده من الرئاسه العامه للتعليم
وتكون الدوره كل مستوى لمدة شهر بـ500 ريال
وفيه 12 مستوى
والدوام مسائي فقط
ومجموعة الطالبات على حسب المستوى
يعني اولى للحين جاري التسجيل
لكن ثاني تقريبا 11 طالبه وقابل للزياده
وثالث تقريبا 6وبرضه وقابل للزياده
ورابع 2 ويمكن تزود عليهم وحده

وكل مستوى ساعه فقط

والأستاذه سعوديه



واتمنى لك التوفيق ان شالله



اختك الشمريه
واذا فيه اي استفسار إسأليني بدون تردد

شموخ شمريه ماقصرتي والله ..
الله يعطيك العافيهـ ..
شكلك موظفه هناك ^_^ ..


طيب الدروس تكون طول ايام الاسبوع ولاايام محدده ..؟
وسؤال
المجموعه لها عدد معين للطالبات يعني ممكن يوقف التسجيل عند عدد محدد ..؟
الله يجزاك خير
واذا كنتي موظفه هناك ..مالاقي عندكم شغل << برى ^_^

هلا فيك يالغاليه

بالنسبه لمجموعة الطالبات مالها حد معين

والدروس للدورات الانجليزيه تكون طوال الاسبوع

بس هالشهر هذا احتمال يكون الاثنين عطله >> احتمااااال

وحياكي عندنا

اما بالنسبه للوظايف مطلوب بكالوريوس حاسب اتوقع

اذا عندتس حياتس


واذا ماعندتس>> برى هههههههههههههههههه

امزح يالغلا

بيتك ومطرحك

تحياتي

برى برى <<لسه بالجامعه ماخلصت هههههههههه

مشكوره تعبتك معي الله .. الله يجزاك الجنه يالغلا ..
ان شاءالله نويت اسجل على بدايه الشهر الجاي ..باذن الله
بس لوتفكرون تخلونها ساعتين بدال ساعه لان الانجليزي يبغى له وقت اطول..

وبما انكـ معرفه ..اي المدرسات تكون احلى شرح وطريقهـ ..
وهل لكل مستوى مدرسه ولاكيف..؟

ادري تعبتك معي وكثرت اسئله ..بس لانها اول مره وماني عارفه

اكررلك اعتذاري

عادي يالغلا

مستعده اجاوب على كل تساؤلاتك انتي وغيرك

بالنسبه للإنجليزي لا والله مافيه غير استاذه وحده

لكل المستويات المتواجده حاليآ

إللي هي الاول والثاني والثالث والرابع

اما بالنسبه للساعات

يالغلا المنهج اصلآ ثمان أو سبع وحدات

وموزّع على شهر كامل يعني اربع اسابيع

وكل يوم تاخذي ساعه يعني بإذن الله بيكفي لاستيعاب الجميع

هذا بالنسبه للإنجليزي

اتمنى لك التوفيق يالغاليه