من اجمل الاشعار...وزنا ,وقافية, ومعنى, وسبكاً..

ولكن للاسف لااعلم من هو شاعرها ؟!؟!

بصراحه عجبتني وحبيت أعرضها عليكم ...

يا بنت أرجوك أنا مأقدر كفانـي ماضـي الغلطـات

أخــاف الله يعذبـنـي وأنــا خــواف يابنـيـه

واخـاف ابساعـه اللـذه يجينـا هــادم الـلـذات

ويأخذ مـن حشـى جوفـي بقايـا روحـي الحيـه

أنا ليّه ثمان اسنيـن وأنـا مدمـن علـى الشهـوات

ديـار الفسـق حاستهـا مواطـي تحـت رجلـيـه

عيوني مـن كبـر همـي تخلـط الـدم والعبـرات

مِسيـل الدمـع مـن عينـي حفـر بالخـد ماريـه

صحيح إنك جميله بـس تبنـا مـن هـوى الزينـات

تركنـا الحـب غصـب وطـوع للعيـن الشقاويـه

يابنت أنتي على بالـك أبأخـذ مـن بنـات الشـات؟

أجـل مجنـون أنـا يابنـت أشيـل العقـل بيديّـه؟

ترى أكبر شيء يربطني مِعك جـوال ابـو شاشـات

وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات

وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات

لأن الدمـع ماينـثـر بقـصـه حــب وهمـيـه

أنا أضحك مِعك واضحك منك ..عليك أكثّر الضحكات

كأنـي بالـهـوى جـنـي.. يعـبـي راس جنـيـه

وأنا مانـي بخكـري يلبـس القمصـان.. والشرتـات

ويفـرح قلبـه المسكـيـن إذا حــب الدوينّـيـه

أنـا مـن لابـةٍ أروت ضمايـا سيوفهـا الغـزوات

خلاياجسمـنـا عـاشـت عـلــى دم القبيـلـيـه

ودهنتي شعـرك الاسـود بألـوانٍ مـن الصبغـات

وعيـت تقبـل الصبـغـه ملامـحـك الخليجـيـه

وحشرتـي ردفـك المسكيـن بالبنطـال ..والجنـزات

خلاقـيـنٍ تصنّعـهـا مـزاجــات اليـهـوديـه

عشاني ميـتٍ فـي ثغـرك الأحمـر أبـو لمعـات

تحسبينـي أبرضـخ لـك لأن إشـفـاك ورديــه ؟

ورب الكون مأرضى فيك لو إنك شيخـة الحلـوات

وإذا صمـل علـيّ العلـم أكـب ارض السعوديـه

يابنت الناس عـزك فـي سـوادٍ يستـر العـورات

وعزي في شماغ أحمـر.. وثـوب أبيـض.. وطاقيـه

سعودييـن نفخـر فــي عبـايـات السعـوديـات

نغـض الطـرف إجـلالً إذا شفـنـا السعـوديـه

وخليجييـن نفخـر فــي عبـايـات الخليجـيـات

نغـض الطـرف إجـلالً إذا شفـنـا الخليجـيـه



همسه: جميع ما كتب يعبرررررر عن فكررررر الشاعرررر

ابي ردكم معاااااااااااااااااااااااااااه في اللي يقووووووووووله


او معاااااااااااارضين تفكيرررررررررره

انتظر ردكم
__________________

هذه للشاعر

عبدالرحمن بن عيد


في منتديات النداوي تجدها وتاريخها من بداية عام 2005

صح لسااان شاعرها

مجنونة شمر سلمتي على النقل

حلوه القصيده بس انتي كيف تبين التعليق ((((الاكيد عين العقل ان السعوديين يتوبون ويتركون السفاريات للسوريا ومصر .........)))

مجنونت شمر

وشهد شاهدا من ارباب السوابق

في هذه القصيده حكى هذا الشاعر الحقيقه التي تنخدع اكثر البنات

المساكين فيها عندما تسمع معسول الكلام من هذا الشخص الذي

سوف يكون فارس احلامها وصهوت جوادها وسفينة عبورها
وانه زوج المستقبل

وتبني على هذا الوهميه احلامها الورديه غدا هي ام ملاك او ام عزام
صاحبة البيت والسيدة الاولى

وماتدري المسكينه انه يضحك على عقلها ويقول لسان حاله ما أنتي

بصاحبة هذه المنزله الرفيعه التي لاتنالها الا منهي كفو لها
اما انت الا لمأرب اخرى

الا ياليت شعري تعي بنيت حواء مايحاك لها من ذئاب البشر

الذين خلت قلوبهم من مخافة الله ومن الشيم العربية

صح الساانك
..ورائع ما اخترتي