تعبت الله يكون بعون هالقلب وبعوني
من الوجيه إللي تجي وتروح بسهوله
وأنا صعبه أصدّق كيف خلّوني وباعوني؟
أقول أحيان معقوله وهي ماهي ب معقوله
لأني ماقدرت إلاّ معاهم أحسن ظنوني
وأقول الجرح والزلّه من الغاليين مقبوله
أدوّر عذرهم وأسكت وأمشيها على هوني
وأقول اخطائهم تغفر وهي بالعمد مفعوله
وأقول أهمّهم طبعآ مثل ماهم يهمّوني
ياما وقف لهم قلبي وهم مايوم وقفوا له
متى ماضاقت الدنيا بهم ذرعآ يلاقوني
وهم لاضاقت بي الدنيا ألاقي قلوب مشغوله
عوايدهم متى ماحتجتهم غابوا وهدّوني
ومتى ماحتاجوا ألقاهم كثر وشفاه معسوله
يلوم الله على طيبة خفوقي من يلوموني
مادام إن النوايا بيض والآمال مأموله
صبرت أكثر من اللازم وقلت إلا يريدوني
وهم فعلآ يريدوني لكن النفس مقتوله
بعد ماقصروا حتى قبل فرقاهم اعطوني
على كم جرح..كم كلمه..كم طعنه وكم قوله
وراحوا بس ماأدري نسوني أو تناسوني؟؟
خلاصة ماحدثراحوا وكلن صار في حاله
نعم(مالت)على حظي (ردي)واستاهل جنوني
لأني طحت في بعض القلوب الغير مسؤوله
لمن لايعتبر عبره..يجي ويشوف وشلوني
عباره عن جسد ميّت وفيه أعضاء مشلوله
تعوّدت انصدم بالذات ممن هم يحبوني
وأنا ماعندي استعداد أجرّب واخسر الجوله
على كثر الوجيه اللي تمرّ الحين من بعيوني
أحسّ الناس بالنسبه لمثلي ناس مجهوله
بأعيش بدونهم عااادي..مثل ماعاشوا بدوني
وذي كلمه على لساني وهي للقلب مقيوله
مادام الهوى(طعنه) وشفت طعونك طعوني
تطمن حييييل ياقلبي أنا ماعادني حوله
ومادام كثير حبّوني وجت فتره وخلوني
أجل بطّلت وشهوله أحب؟؟ بالله وشهوله؟؟
وســــلآمـــــــــتــــــكـــــــم
قصيده من اختياري تمثل هذا الوقت واصحابه !! 
العرض العادي
