بسم الله الرحمن الرحيم
السلام عليكم ورحمه الله وبركاته
مصافحه أولى أبيات متواضعه اتمنى أن تنال رضاكم :
على الميعاد جتني تحمل الأشواق=تشيـل الـود فـي قلبـه مــع ايـديّـه
تنـادي لـي محمـد ليـه مـا تشتـاق=عسى ماشر وش بك تقطع الجيّـه
نسيت أو ناوي ٍ بعد وهجر وفراق=قـوى قلبـك وطـاوع تجـرح بنـيّـه
تحبك حب صادق والحشـا خفـاق=يـنـادي لــك حبيـبـي حـبـك هنـيّـه
بوسط القلب شلته داخل الأعمـاق=فـــلا والله تـلـقـى وافــــي ٍ زيّــــه
لغيـرك جافـي ٍ حـبـه ولا لــه راق=سـوا حبـك بوسطـه نــور بضـيّـه
محمـد مـا خبرتـك خايـن وبــواق=وش اللـي صـار لـك بتغيـر النـيّـه
تـركـد لا تهـيـم بــوادي الـعـشـاق=تــذوق الـمـر كـيــه تتـبـعـه كـيّــه
تضيع وتختلط في وجهك الأوراق=ويفـرح بـه حسـود ٍ ينقـل السـيّـه
حبيبي كان قلبك حن لي واشتـاق=تـرا قلبـي يـنـادي لــك هــلا حـيّـه
وقلت أنتـي دواي وزينـة العشـاق=تـعـالـي وشـبـكـي كـفـيـك بـيـديّـه
وشوفي حالتي لك كيف أنـا تـواق=لشوفـك يـا بعـدهـم كــل عصـريّـه
أموت لشوفتك يـا واسـع الاحـداق=ودونـك عيشتـي عيشـه شقـاويّـه
عـــلى المــيعـــــاد 
العرض العادي
