لو الغلا من بين الاضـلاع ينشـاف
شفتو غلا الغالي ورى الصدر فالجوف
بالغصب احبه لو ماعنـده انصـاف
ولاحس باللوعة ولاقـدر اضـروف
حيل الله اقوى مسرف بحالي اسـراف
يحرقني بنـاره وانـا منـه ملهـوف
اخاف منه ليا زعل وان رضى اخاف
دايم وانا من سبتـه ميـتٍ خـوف
ليا سكت يصيبنـي منـه خفخـاف
وليا هرج صفق جماهيـر وصفـوف
فعايله فـوق التصـور والاوصـاف
هواجسي لجلـه مقابيـل ونكـوف
لـو هوينافـي للعوايـد والأعـراف
اصبح جميع اللـي يسويـه مألـوف
المشكله راضٍ بظلمـه والإجحـاف
عندي عذابه لـي جمايـل ومعـروف
اسهرعلى شانه ويلحقنـي إخـلاف
وإذا استراح انهض من اسبابه اسوف
من سطوته يمشي على كـل محـراف
وليا فعله فعل ماهـوب مكشـوف
بالعز والهيبه لـه افـراش والحـاف
ومن حشمته ياطي على الورد مقطوف
فوق السعاده له مرابـع ومصيـاف
واحيان يضربلـه مزاميـر ودفـوف
تـدرون منهـو يامميـزة الاصنـاف
ياللي لكم مثلـي محبيـن وشفـوف
صدر وعجز بالجزل مبـدا وميقـاف
صعب القوافي حدها مرهف إسيـوف
ادفع بها هجسٍ ثقيـلات واخفـاف
اللي لها قلبي لـه اسنيـن معسـوف
معسوف غصب وكل الاوقات ينلاف
يالله عساني ملحق النفـس بحسـوف
زاد العذاب اللي للفـراح خطـاف
وش عاد لو نملك عقـارات والـوف
يلفنا عـن راحـت البـال لفـاف
ويسوقنـا يـم الغرابيـل عاصـوف
المشكله راضي بظلمه والاجحاف 
العرض العادي
