ياطالـب البرهـان دوك العناوييـن=نعطيك خطبة فيها الأبيـات عصمـا
نكتب عذي القـاف نظم وموازين =بالنـون صدره وعجزالابيات بالـمـا
حنا البنات اللي على الشعر ضاريـن=ماخبـر نـأخـذ للتماثـيـل هـمـا
حنابنات(ن) واغلـب النـاس داريـن=ملوك الكـلام لسبـع الألسـن نلمـا
نفهم بحور الشعـر بكـل القواننيـن=نبـع القوافـي بيـن الجعـود جمـا
حنا البنات عـلاج شـرخ المجانيـن=نقراء على المسكون لـو كـان سمـا
وان كان هي بالعـز حنـا سلاطيـن=معربـه مابيـن خـال (ن) وعـمـا
ربعـي (سناعيس)رجـال عربيـن=بنت الشيوخ ومسقط الـراس( سلمـى)
تاريخهـم بالمجـد اثـرى الدواويـن=بصم الصخر منحوت ماخـط بالمـا
وان كان هي بالضرب حنا شياهيـن=بضرب الفنادي كـف يمنـاي ادمـى
مايستريح اللي علـى الشـر ناوييـن=نقصـر لـه العنـوة ونسقيـه سمـا
ونرد له صاعه من الموت صاعيـن=وش عـاد لـو انـه تنخـى بشمـا
وان كان هي بالعطف حنا عطوفيـن=قلـب حنـون للمشـاعـر يضـمـا
فينا الاخت والبنت مـع قـرة العيـن=حلـوة لبـن يامـدور الخيـر اُمــا
لاشك بس المـزح ماعذربـه شيـن=بين الخوات اخـوان والحـب ينمـا
نمرح ونفرح في ثرى (النت) سالين=مرفـوع شـك ولا بـدأ فيـه ذمـا
قلوبنا بيضاء علـى الـود صافيـن=واللوم والريبه وراء الصيـن يرمـى