رغم التعب والتناقض منزلك عالي=
لو كنت في خطوتك تكثر تعاريجك
عنيد لكن عنادك حيل ..يحلالي=
ولو كان للعند تاج اعلنت تتويجك
لكن ترفق وشوف وجيه..عذااالي=
تفرح..تايد صدودك لي وتحجيجك
يكفي تشوف بعيونك ثوبي البالي =
اللي تمزق تحت قسوة كرابيجك
حزين رددت للاحزان موالي=
وانت إتغنى فرح واسمع اهازيجك
لا زلت احبك..ولكن وعد..يالغالي=
لابد..اوقف دعاباتك وتهريجك
وإن كنت مهر ..ولا روضك خيالي=
جيت وعلى جثتي عسفك وتسريجك
الشاعر / متعب التركي

نجلا
قصيده تستاهل النقل
تسلمين يانجلا على هذا الذوق الرفيع والمتجلي في هذي الابيات
عنوان القصيده يحمل ملامح الثقه
نجلا تقبلي خالص الود والتقدير
اخوك / محمد بن ناصر

نجلا العيون
لك كل الشكر والاحترام على هذا الاختيار والنقل الرائع لهذه القصيده الجزله
في النظم والقافيه والمعنى

اختي نجلاالعيون

تسلمين على هذا النقل الرائع

لقصيده رائعه يدل على شاعريه

لديك لم تفصحي عنها

سلمتي على النقل لكن نبي شيء ينقل لنجلا