أبي نفس الغرام اللي عطيتك...
كنت ابي نفس الغرام اللي عطيتك
او بلاش من الغلا وهات احترامي
مو صحيح تصد عني يوم جيتك
شوفني صديت والغيت اهتمامي
يعلم الله بكل احساسي بغيتك
ولو صبرت شوي بقنعك بكلامي
وش تبي مني اجيك بوسط بيتك؟
وللا تبغاني انزلك بمقامي؟
لاحشا لاتحاول تجرب فديتك
بأترفع عنك حتى في سلامي
مالغيت العقل يوم انني هويتك
وماوصلت بحضرتك حد الهيامي
ماني من اصحاب ياليتي وليتك
اتحدا الحب ان يشغل منامي
هذي وبكل ما أملك شريتك
بس لابعد الغلا اذبح غرامي
انتهينا وانتهى في القلب صيتك
واقدر اسيطر على جرحي وعلى الامي
..
ابي نفس الغرام اللي عطيتك 
العرض العادي
