يا جماعة عندي موضوع ودي نتناقش به بصراحة وهو

وش استفدنا من رالي حايل ؟

أنا اقول
حوادث سيارات
سربتت شباب
خيام ما ندري وش بهن
اختلاط رجال وحريم
ولا يغركم المحاضرات الدينية والدليل شوفوا صور الحضور بالمحاضرات التي نشرهن المنتدى كل محاضرة ما حضره ولا 20 واحد

فيا اخون نبي رايكم بصراحة ومن غير زعل

بصراحه انا ماحظرت الا الايام الاخيره


وبصراحه استفدت المتعه والونااااسه من ناحيتي


من ناحية اخرى

استفدنا مشاهدة معرض اول مره نشوفها

اللي من ضمنها المتحف والصقور والسوق الشعبي ومخيم الاهالي فيه امسيات ومن ضمنها امسية حائل نت

والعرضات السعوديه والسامري والمحاظرات الدينيه

واشياااااء كثيره لا احصيها

واستفاااادت مدينه حاااائل بأكملها من السواح والرالي بشكل عام

يكفي انها صاااارت مدينه لهااااا صيت وااااسع من السياااااحه والسياااااح

والحين انت يعني ماشفت الاالسربته والمخيمات اللي مدري وش تقووول عنها

ياخووووي كل مجتمع لازم يصير فيه اشياء سلبيه

لكن نتكلم عن الايجااابياااات اكثر من السلبيات بالراااالي


واللي يبي الامور ذي يلقاااها بكل مكاااان سواء كان الرالي او ماكاااان

يعني قبل الراااالي والامور ذي منتشره

انا بصرااااحه ماشفت شي ولاسمعت عن شي

لكن اذا فيه نااااس شااافو يمكن هم اللي بحثووو عن الامور ذي وطاحووو على ناس زييهم

المشكله انو لازاااال فيه تخلف عندنا

لكن مع السنين يرووووووووووووووووح انشاءالله

وانت اخووووي لاتعم الرااالي بشكل عام انه سربته ومخيمات ماتدري وش فيهاااا

انت رح للصاااالح اللي نشووووفه وكل الناس تبغااااه

لاتروووح للطاااااالح اللي مايبحث عنه الا اهله


مشكوووور خيووووو وهذا اللي استفدته من الراااالي انا

امل تقبل كلامي بصدر رحب

دمت بود

اخووي الله يهديك وش سربته

اللي يبي هالسوالف بيلقااهااا بكل مكان مو شرط بالرآلي

يكفي الرآلي رفع من صيت حاائل عالمياً وصاارت معرووفه بكل مكان

وكثرو السيااح والزوار لهاااا

بالعكس استفدناااا المناظر الحلوووه والاجواء الرائعه والفعااليات

وكل واحد وانا اختك يلقى الشي اللي يبيه

اللي يبي السنع والشي المفيد بيلقاااه واللي يبي السربته ولاامور الثانيه يلقااه

دمت بخير

الرالـــــــــــــــــــــــــــــــي وما ادراك ما الرالــــــــــــــــــــــــــي >>>>>>>>>>>>>>


الله يعين المستلمين من الشرطه والهيئه والمسؤلين عليهم ضغط ايااااااااام الرالي >>>>بس حلو الرالي

الرالي من باب الأعلام والسياحه والرياضه فهو جميل والحمدلله رجال الامن الذين ضبطوا من المخدرات والمسكرات وحتى بعض من الاشياء المخله بالادب العام التى تأثر على سمعت حائل وهم للآسف ليسوا من حائل بل من الزوار الذين زاروا حائل في فترة الرالي من المناطق الاخرى بعض التصرفات الغريبه . .التى لاتمت بصله للمجتمع الحائلي . .

شكرا أخي على الطرح . .