..... بوح من شغاف الروح يتمنى أن ينال الإستحسان لديكم ..
أستغفر الله من كثر ماني أغليك=أحس نفسي عايشه لجل احبك
فرض(ن) علي وصلك وذكرك وطاريك=وواجب علي احب صدك وقربك
وماهو كفايه دام انا ميته فيك=مهما أقدم ماأوفيه حبك
ياتاج راسي وش بقى مني اعطيك=مدام كلي جاك يمشي بدربك
شفت التراب اللي تدوسه مواطيك=في ذمتي يسوى عيونه محبك
أشري ثرى ماطاك باانفاس مغليك=واقبله وافخرمدامي بقلبك
واحن عليك اكثر من امك وآداريك=كنك طفل بعروق من هو يحبك
يشغلني الهاجوس لاغبت آحاتيك=ويزيد خوفي وادعي الله ربك
إنه يحفظك ياحبيبي ويبقيك=لخلك ويبعد عنك همك وكربك
لو في يديني داخل العين اخبيك=محد(ن) يشوفك غير من هو سهر بك
لك في ضلوعي قصر ياشوق تمليك=صكه بيدك حافظه منكتب بك
ماحد(ن) سكن قبلك ولافيه تشكيك=ولااحد(ن) بيسكن به مدامه يحبك
وراعي القصر لاصارت يديه بيديك=وش له بكل الكون دامه ربح بك
يزهد بغالي ماعلى الكون ويجيك=ويرمي قلوب الكل ويضم قلبك
ولي عين لاجابوا له الناس طاريك=دمعه يطيح وتحسد اللي بجنبك
ولي قلب بعروقه غرس حبك وفيك=ينبض قصايد لاتنفس مهبك
ولي روح ترحل لك على البعد وتجيك=وتسامرك بالشوق وتنام قربك
ولي حرف مايزهى إذا ماانكتب فيك=يجيبك لشعري أساس ويصبك
وتصير وزن الشعر وشوقي قوافيك=والبحر حبك وآآه ياعمق غبك
ياسيدي ياآسري كيف ماأغليك=ووشلون اعبر عن خفوقا غرق بك
دام المشاعر حايره كيف توفيك=وتوفي شعور(ن) داخلي محتفل بك
لاتلومني لاقلت أنا بكلي افديك=وأني أنا بعيش من شان احبــــــــك
تقديري للجميع ..
أستغفر الله من كثر ماني اغليك.. 
العرض العادي
