ياسيدي ترخص لك الارواح يالهـادي البشيـر
ياقايد الامه نشرت الخير فـي كـل الجهـات
تكرم ويكرم وجهك الطاهر عن اقوال الحقيـر
تكرم و ويكرم وجهك الطاهر عن افعال الطغات
شلت يدين اللي يسبك ياعسى عمـره قصيـر
عساه من زود المرض يسهر وعينـه ماتبـات
الله يزيده هم فـي يومـن عبوسـن قمطريـر
وتضيق به دنياه حتـى انـه يـدور للممـات
يالرحمه المهـداه يالمختـار يالوجـه المنيـر
ياللي على ايدينك بحول الله تصير المعجـزات
ارواحنا ترخص فدى لك كلنـا طفـل وكبيـر
امـا فدتـك ارواحنـا لابـارك الله فالحـيـاة
علمتنا كيف الغني يعطف علـى حـال الفقيـر
وعلمتنا كيف الخشوع يكون في وقت الصـلاة
وعلمتنا كيف الصبر والحلم فالوقـت العسيـر
والفت بين قلوبنـا مـن بعـد ماكنـا شتـات
وعلمتنـا وعلمتنـا وعلمتنـا شــي كثـيـر
يعجز لساني لوبغيت اعد لك بعـض الصفـاة
ارسلك ربي رحمه النا يوم جيت بكـل خيـر
بينت وشلون الطريـق اللـي يـودي للنجـاة
واليوم باذن الله وتوفيقه علـى دربـك نسيـر
محبتـك فقلوبنـا مثـل الجبـال الراسـيـات
ماهمنـا لـو الحقيـر يأيـد اقـوال الحقيـر
تبقى عزيز وطاهر ورحمـه لكـل الكائنـات
وماهمنا قول السفيه وقـول معـدوم الضميـر
انت الحليم انت الحكيم اللي يحل المعضـلات
صلـى عليـك الله وسلـم يالبشيـر ويالنذيـر
وتكرم عن القول الردي وعن كل ذيك المنكرات
الشاعر .. عبد الرحمن العتيبي
العرض العادي
