ولله اني لــ انظمك ياقاف لو مانيـب فاضي
دام علم الكفر طوّل والشعر ما عنه صدّه
ولله اني لــ أكتبك واسمّع الكل امتعاضي
والحقيقه كل مسلم واصل ٍ بالضيق حدّه
والسبايب ناس تجهل بالعفو هو والتغاضي
له حدود ٍ من تعداها نقوم أحنا نصدّه
يحسبون ان الاهانه للنبي فيها تراضي
يحسبون العلم هيّن يندمح من بعد مدّه
مادروا انه غلط ماينتسى لو كان ماضي
مادروا منهو يسوي هالغلط راسه "نجدّه "
افزعوا يامسلمين العلم مايلزمه قاضي
خلكم للي يجي من دار هالكفار ضدّه
قاطعوهم في بضايع غطت رفوف ٍ عراضي
كدسوها لأجل ياقف من تهزى عند حدّه
علموهم بأننا مانكتفي بالاعتراضي
وانها لا كبرت الغلطه نضاعفها بشدّه
علموهم للنبي حب ٍ يفوق الافتراضي
واننا لأجله نسوق الروح من حب وموّده
ناس باطنها سواد وتّظاهر بالبياضي
عايشين ٍ للدراهم والغواني والمخدّه
يالله اني طالبك فيهم يصير الاتعاضي
لأجل يعلم من يأييد هالغلط وينه مردّه
ذا وصلى الله على المبعوث في دين التراضي
عدّ ماصالت حراراً بالفضا من بعد هدّه
وسلامتكم ,,,
للشاعر
إبراهيم المحمد
العرض العادي
