الشمس فوقي .. و الجمر مـن تحتـي
و الموت خلفـي .. و العـرب قدامـي

أحيـان .. ودي بـس آفـل أجنحتـي
و أطير لك .. من وحشتـي و هيامـي

و أحيان .. لا طالعت فوق .. و لحتـي
دريت .. مالـي غيـر سيـر أقدامـي

بغيت أسولف لك عناي .. و صحتي!!
وشلـون أجـل تستحمليـن ألأمـي؟!

جيتك .. و أنا فاقـد جميـع أسلحتـي
يا كـود باقـي دفتـري .. و أقلامـي

حاولت أكابر فـي غـلاك .. و فحتـي
أليـن .. عطرتـي فمـي و أكمـامـي

عرشك بعيني مكتمـل .. و أن طحتـي
منـه .. يشيلـك قلـبـي المتـرامـي

كذا كـذا .. و ان جيتـي و الا رحتـي
تبقيـن .. شيخـة لحظتـي و أيامـي

يا آنسـه .. فينـي عسـاك أرتحتـي؟
يالرميـه اللـي مـا رماهـا .. رامـي

رمانـي الله بالـغـلا .. و أجتحـتـي
قلبـي .. و صرتـي فارسـة أحلامـي

جيتي .. و غيرتي وطن .. و أصلحتي
نظامـي .. و تكويـنـي الأسـلامـي

و الشعر خصمي .. و الهوى مذبحتـي
لكن معاك .. أزريـت أشيـل عظامـي

كنت أحسب اني عـارفٍ .. مصلحتـي
حتـى لقيتـك .. تطعميـن أيتـامـي

تبيـن هزمـي بالهـوى .. و افلحتـي
هزيمتـي .. بأمـر المقـام السـامـي

كبرتـي بقلبـي اليـن .. أصبحـتـي
مثـل العلامـه .. فارقـه بأبهـامـي

يا أميرتي .. و ان جيتي و الا رحتي !!
مافيـه غيـرك ..يستحـق أحـلامـي

منقول / للشاعر عبدالله ذويبان
تحياتي للجميع