ليلي قضيتـه بيـن تفريـق الروابـع و الهجـوس=كـن الروابـع مطرقـة حـداد و ضلوعـي نحـاس
تطحن بجوفي كنها وقعـات مـن حـرب البسـوس=وان ضاق صدري قلت ياقافي تهيض و يالمعنى تواس
شاعر يهيضني هبـوب الريـح لامـن هـب كـوس=و اطرق طواريق الفرزدق بالشعـر و ابـو فـراس
و الشعر إذا ماهوب يلجم مـن يحـدون الضـروس=و يكتب دفاع عـن النبـي مافيـه داعـي للحمـاس
يا أمة الاسلام مـا الدعـوى نقـاش و حـب روس=يوم اصبح الأعداء تريـد بسيّـد الخلـق المسـاس
وصلت بعبّـاد البقـر و النـار و احفـاد المجـوس=يتصورون و يحلمون بـدوس عـرضٍ مـا يـداس
و عرض النبي في جاه رب الكون محمي ومحروس=لـو حالـوا عـدوان سيدنـا يـسـوون التـبـاس
و حنا علينـا نعطـي العالـم عـن المنهـج دروس=الرد من جنـس العمـل و الكـل فـي نـده يقـاس
طالت و حنا نحتمل غلطة ضعيفين النفوس=نبي نصد هجومهم و احنا ورا خط التماس
اقلامنا ماتكتب الا كل حرف و فيه قوس=و افكارنا نامت من الراحه بفضل الاقتباس
يُهجم علينا بالقنابل و انتدرّع بالتروس=معنا البنادق لكن الزهبه ماهي نفس المقاس
لابارك الله بالسلاح اللي ضحى اليوم العبوس=يبطل زناده في يدي و الحرب تطحن راس راس
و المشكله بعض العرب يبكون في دمعة عروس=لان العقيده عندهم ينتابها حال انتكاس
لكن حبال المصيده لابد بالخائن تلوس=وذاك النهار يبين الفضه من الصفر النحاس
يا أمة الاسلام للدفاع عن النبي (صلى الله عليه و سلم) 
العرض العادي
