يامعتلي رجم الحزن أرحم الحـال
..كفكف دموعك كب الأحزان خلـه
حول عن المشراف ياعذب الأجيال
..لاتعقـد حجاجـك تبسـم وفلـه
الجرح يبرى لو مضاريبه طـوال
.. والحزن يفنى لامضى الوقت كله
دنياء تقلب ماتريـح بهـا البـال
..فرح يـرز القلـب وهـم يتلـه
أكو الحزن بمخطر الصبر لو طـال
..والبسمة البيضاء دواء كل علـه
أنثر هماليل الفرح بأرض الإمحال
.. واقطف ثمرها من غصون مظله
أشعل قناديل الغلا وأنـزع الشـال
..وهل الجدايل فوق الآمتان هلـه
العمر توه غض .. والشوق مازال
..وعمر الصباء نشوان فرحه ودله
ميل على قلب الشقاء خذ فنجـال
..قريحة في حضرتـك مسفهلـه
تعال ابحكي لك سواليـف وأقـوال
..أخبار عندي ماحوتهـا المجلـه
دوك الآمان وهات ياطيـب الفـال
..في وسط صدري للغرابيل سلـه
تعبت أسافر في فضاء الوجد رحال
..والنفس من كثر المشاويير ملـه
شفت الهوايل شفتها ألوان وأشكال
..وجيه تلـون كـل يـوم بطلـه
واسماء تغير كل يوم لهـا حـال
..والخط واحد لـو تغيـر محلـه
صارالكذب بين المحبيـن مرسـال
.. وصار الضمير الحي بالناس قله
وكلام واشي يُفجرالغيـض زلـزال
.. وزلة لسان يردفه الـف زلـه
نطنش ونضرب أكثر الهرج بالجال
.. ماناخذ حسابـه بدقـه وجلـه
ما للملامه يالغـلا عنـدي جـدال
..وماللحسايف شـي بالقلـب لله
دامك نديمي صاير فـيء وظـلال
.. مابي من الدنياء رفاقه وشلـه
أبيك في ليل الجفاء بـدري العـال
..وابيك في كوني شموس مطلـه
وابيك في صمتـي ترانيـم مـوال
..وابيك تبقى لاخـلا البـال خلـه
أبيك انته بس فـي كـل الأحـوال
..حالي وحالك في ثرى الوجد حله

الاخ والشاعر القدير محمد النعام

الف صح لسانك ابيات شامخه

تصوير جميل في جميع الابيات فيها من الحكمه
والابداع المتميز

كما تعودنا من شخصك الكريم

وابياتك فيها وقفات رائعه
الف شكر على هذي القصيده المميزه من شاعريتك
وقد يكون لي عوده
لان فيها ابيات كثيره تحتاج وقفه وتامل
ودمت بالف خير