يامعتلي رجم الحزن أرحم الحال= ..كفكف دموعك كب الأحزان خله
حول عن المشراف ياعذب الأجيال= ..لاتعقد حجاجك تبسم وفله
الجرح يبرى لو مضاريبه طوال =.. والحزن يفنى لامضى الوقت كله
دنياء تقلب ماتريح بها البال = ..فرح يرز القلب وهم يتله
أكو الحزن بمخطر الصبر لو طال = ..والبسمة البيضاء دواء كل عله
أنثر هماليل الفرح بأرض الإمحال =.. واقطف ثمرها من غصون مظله
أشعل قناديل الغلا وأنزع الشال = ..وهل الجدايل فوق الآمتان هله
العمر توه غض .. والشوق مازال = ..وعمر الصباء نشوان فرحه ودله
ميل على قلب الشقاء خذ فنجال = ..قريحة في حضرتك مسفهله
تعال ابحكي لك سواليف وأقوال = ..أخبار عندي ماحوتها المجله
دوك الآمان وهات ياطيب الفال = ..في وسط صدري للغرابيل سله
تعبت أسافر في فضاء الوجد رحال= ..والنفس من كثر المشاويير مله
شفت الهوايل شفتها ألوان وأشكال = ..وجيه تلون كل يوم بطله
واسماء تغير كل يوم لها حال = ..والخط واحد لو تغير محله
صارالكذب بين المحبين مرسال =.. وصار الضمير الحي بالناس قله
وكلام واشي يُفجرالغيض زلزال =.. وزلة لسان يردفه الف زله
نطنش ونضرب أكثر الهرج بالجال =.. ماناخذ حسابه بدقه وجله
ما للملامه يالغلا عندي جدال = ..وماللحسايف شي بالقلب للـه
دامك نديمي صاير فيء وظلال =.. مابي من الدنياء رفاقه وشله
أبيك في ليل الجفاء بدري العال = ..وابيك في كوني شموس مطله
وابيك في صمتي ترانيم موال = ..وابيك تبقى لاخلا البال خله
أبيك انته بس في كل الأحوال = ..حالي وحالك في ثرى الوجد حله
رجم الحزن 
العرض العادي
