[size=4]:[/

ملوك دنياي صارت مهزله في مهزله=والبقيه في حياتي صارت اقرب للمنيه
جاهلٍ عاش الحياة بنظرةٍ به مرجله=لكن الحظ الردي وقّـف بوجه الاسمريه
تكتويني جمرة الصعب من بين اسهله=واغرق بقاع الهموم ومابه الا شوشليه
الغرام يدق بابي يحسب اني مدهله=والهبوب يهز غصني بالعصوف المهمهيه
يجرفن تيار شعري للشعاب ولااسئله=وللهضاب وللكهوف وللحزوم الجرهديه
ذوقن للمر والحالي وشيٍ اجهله=يسحبن للجدي لسهيل لديارٍ عليه
كني اللي للخضر يتبع ودومٍ يخذله=يسئله ثم يزجره ثم يسئله بالخطيه
قال فسّر قال تفسيري يجي من اوله=خذ دروسٍ يانبي الله من رب البريه
مع فارق التشبيه بين المنزله والمنزله=واختلاف القصد والحال واسبابٍ جليه
مابقي في هالزمن غير الوجيه الممحله=والعزيز يهان ويسب بافواهٍ رديه
دنيا عجوز ومغزله هو مغزله=جففت عذب الغدير وقطفت ورد الشغيه
الحظيظ الذيب لامنه بقى في معزله=اشهد انه دالهٍ وسط الليالي العامريه
ماتعزم بالعزوم ولانمى فيه الوله=لاتضايق من هموم ولابلش بالابجديه
ياصغير لاتنام لاتخليني بليلي اقتله=ياصغير لاتنام وشف عيوني هالنديه
اعذب الشعر جاني بالجديد واسمله=يالبليّه خلني ودي انام يالبليّه يالبليّه