الصبي وان طاب طيبه من خواله... وان تردى فعلم انهم خايبيني
أشـرب الفنجـال واكـب البيالـة... طيـبٍ واحـب سلـم الطيبيـنـي
[[[الــســلام عـلـيـكـم ورحــمــة الله وبـركــاتــه ]]]
من لا يعرف .. هذين البيتين .. بيتين اشهر مـن نـار علـى علـم ..
قد يجهل البعض قائلهما .. ولكن اكيـد سمـع بالبيتيـن مـن قبـل ..
حتـى اصبـح مضـرب مثـل يتـداولـه كثـيـر مــن الـنـاس ..
قــــائـــــل هــــذيـــــن الـبــيــتــيــن ..
الشاعر / راشد بن حسن بن مانع بن رحيان الضاعني الملقب بـ( ابـن
الـذيــب ) ..والـــد الـشـاعـر مـحـمـد ابـــن الـذيــب
وقيل انه توفي عام 1986م وهو في نجران وكان شايل معـه شخـص
موصله الى قرية في نجران وحصل عليهم حادث وتوفـي رحمـه الله ..
راشد بن حسن .. كان يشتغل في شركة ارامكوا السعوديه .. وكان يملك
ســيــارة الـشــركــه ( جــمـــس ارامــكـــوا ) ..
وكان كل ما شاف له رجلي والا طرقي على الخط يبي احد يوصله يقـوم
ابـن الذيـب ويوصلـه بـدون مقابـل .. علـى سيـارة الشركـه ..
حتى اشتهر عند البدوان .. لا جا احد يبي يروح مكان ولا عنده مطيه ولا
موتر .. يمشي في طريقه ويقول عسا يلقاني ( ابن الذيب ) على الطريق
والا انـا القـاه ..ويشيلنـي ويودينـي للمكـان اللـي انـا ابـيـه ..
حتى قاموا الناس يطرونه ويحكون فيه وهم لا يعرفونه ولا قد شافـوه ..
جاء يوم من الايام الا عجوز وعندها غنم شوي تعد على الاصابع .. و (
راشد بن حسن ) .. كـان مشغـول ومتأخـر علـى الـدوام شـوي ..
وشاف العجوز وشاف معها غنم تعداها وهملها .. عقب حزت في خاطره
واستحى وراعي الطيب ما يجوز عن طيبه وقف الموتر ورجع للعجوز ..
يوم جاها قالها يا مره انا ابشيلك وبوديـك المحـل اللـي تبينـه لكـن
بدون غنمك .. انا متأخر على الدوام واخاف غنمـك تأخرنـي زيـاده ..
قالـت لـه العجـوز .. خـلاص رح الله يستـر عليـك يـا ولـدي ..
انـــا جـالـسـه هـنــا انـتـظـر ( ابـــن الـذيــب ) ..
هو اللي بيجيب العلم وبيوصلني المكان اللي انـا ابيـه انـا وغنمـي ..
وهي ما تعرفه .. ولا تدري انه ( ابن الذيب ) .. هو نفسـه اللـي هـي
تكلمه ..يـوم انصـدم ( راشـد بـن حسـن ) بقولهـا .. وتعجـب !!
قـال اركبـي يـا خالـه انـا ( ابـن الذيـب ) وابشـري بـعـزك ..
ابــوصـــلـــك انــــتــــي وغـــنـــمـــك ..
وكانت انظمة ارامكو تمنع السائقين ان يشيلو الرجليـه اللـي يوقفـون
السواقين ويطلبونهم توصيلهم على طريقهم ..وشلون توصيل الغنم ؟؟؟؟؟
حتى وصل علمه .. للشركه بفعل ( راشد بن حسن ) .. وهدد بالفصل من
الشركه اكثر من مره .. وبعض رؤساءه يأسوا من المحاولـه معـه ..
واعــجــبـــتـــهـــم شـــهـــامـــتــــه ..
وصـل العـجـوز إلــى منصـاهـا والمـكـان الـلـي تبـيـه ..
وقــــــال هـــــــذى الـقــصــيــده
قالـهـا ابـــن الـذيــب مـــن هـاجــوس بـالــه =كـلـمــةٍ يـلـعــب بــهــا والــبــال زيــنـــي
قـالــهــا يــومـــه طــرالـــه مــاطــرالــه =مــــن هـواجـيــسٍ تـشــيــب المـرضـعـيـنـي
لالـقـيـت الـلــي عـلــى ( الـسـكــه ) لـحـالــه =يـلـتـفــت ويــقـــول ويـــــن المسـتـحـيـنـي
أوقـــف الـمـوتــر حــيــا وأبــــي الـجـمـالـه =يـــوم ولــــد الــــلاش وجــهــه مايـلـيـنـي
الـطـمـع فــــي كــــروة الـرجـلــي رذالــــة =خــــص وان جــابــه مــجـــال الغـانـمـيـنـي
والـــردي فــــي حــالــةٍ مــاهــي بـحـالــه =واعـويــنــه مـــــن كـــــلام الـطـيـبـيـنـي
الــــردي لــــو بــــان مـايـذكــر عـمـالــه =مـايــعــد الـــــلاش مـقــصــور الـيـمـيـنـي
أركــبــه لـعـيــون مــــن زيــــنٍ دلالــــه =مـاتـحـاكــوا فـــــي قــفـــاه الـرامـسـيـنـي
مـابـغـى غــيــري وانــــا مـابـغــى بــدالــه =قــاعــدٍ لــــي بـالـرجــا مــــدة سـنـيـنــي
الـصـبـي وان طـــاب طـيـبــه مــــن خــوالــه =بـالــخــوال يــســـال قــبـــل الـوالـديــنــي
أشـــــرب الـفـنـجــال واكـــــب الـبـيــالــة =تــابـــعٍ سـلــمــي ســلـــوم الأولــيــنــي
ولاقـعــدنــا بـالـعـمــل بــنـــا الـــرزالـــة =نــاخـــذ الـعـلـيــا طــريـــق الـفـايـزيـنــي
غـرنــي بــعــض الــرجــال بـكـثــر مــالــه =مـــادرى ان الـمــوت فـــي حــبــل الـوتـيـنـي
كـــيـــف يـنـفـعـنــي وابــا(........)خــالـــه =مـايـقــوم الـبــيــت دام الــســـاس طـيــنــي
مـــاش ويــــن الــلــي عــوايــده الـجـمـالـة =مـثــل ابـــن ظـافــر حـمــد لـيـتـه يـجـيـنـي
الـثـنــا والــجــود دايــــم فــــي خـيــالــه =عـلــمــه ظــافـــر ســلـــوم الـطـيـبـيـنـي
جـــــوّد الـعـلـيــا ولــزمّــهــا عــيــالــه =وادركـــوا مــــن عـلـمـتـه دنــيــا وديــنــي
واهـنــي مـــن بـــاع حـظــه واشـتــرى لـــه =وســـار فـــي درب الـنـبـي وأخـــزى اللـعـيـنـي
مـوقــفــه مــاكـــل رجــــــال يــنــالــه =مــــن بــغــى مـمـشــاه يـقـعــد مـرتـيـنـي
كــم ذبــح مـــن حـايــلٍ مـــن حـــر مـالــه =وعــادتــه لـطــمــة خــشـــوم العـايـلـيـنـي
في مثل هذه القصة من القصص التي ينشفق عليها وعلى نقلهالماتحمل
في طياتها كل معاني الطيب والوفى .آمل بأن وفقت في النقل .
الصبي وان طاب طيبه من خواله 
العرض العادي
