براد تال اليل مابه مضره
...................توقعو يااهل البراد الصناعي
هبايبٍ عمت بحرها وبره
............هزت غصون الورد والعطر شاعي
نسايمٍ فيها الطرب والمسره
.................للي قضى ليله من الوجد واعي
ناره ذعاذيع الشمالي تكّره
................وعينه على نجمٍ بدا له شعاعي
مع صاحبٍ يرضى بخيره وشره
...................متوافقينٍ بالصفه والطباعي
ماهو من اصحاب الرخى والمغره
.............ضرغام راعي كيف قرمٍ شجاعي
في سيحة الوادي تشوف المجره
...............تسحر بمحار الدجى من يراعي
روابيٍ عذرى نضيفٍ مقره
...................عذيةٍ لولا بطون الافاعي
يالي تباها بالتمدن مضره
................لك من فيافي نجد ياهيه داعي
براد تال الليل 
العرض العادي
